റിഫ മെഹ്നുവിനെ ഭര്ത്താവ് മെഹ്നാസ് ഉപദ്രവിക്കുന്നത് കണ്ടിട്ടുണ്ടെന്ന് റിഫയുടെ സഹോദരന് റിജു....
റിഫ മെഹ്നുവിനെ ഭര്ത്താവ് മെഹ്നാസ് ഉപദ്രവിക്കുന്നത് കണ്ടിട്ടുണ്ടെന്ന് റിഫയുടെ സഹോദരന് റിജു. റിഫയെ മെഹ്നാസ് ഉപദ്രവിക്കുന്നത് ഒന്ന് രണ്ട് തവണ കണ്ടിരുന്നു. എന്നാല് അന്ന് അതിനെ കുറിച്ച് ചോദിച്ചപ്പോള് മെഹ്നാസ് ചോദ്യത്തില് നിന്നും ഒഴിഞ്ഞുമാറുകയാണുണ്ടായത്.
പൊലീസില് ഹാജരാകാത്തത് എന്തുകൊണ്ടാണെന്ന് ചോദിച്ചാല് മെഹ്നാസിന് ഉത്തരമില്ലെന്നും റിജുഒരു സ്വകാര്യ ചാനല് ചര്ച്ചയില് പറഞ്ഞു.
'ഒളിവില് പോയതിന് ശേഷം മെഹ്നാസ് വാട്ട്സാപ്പില് ബന്ധപ്പെട്ടിരുന്നു. ഫോണിലൂടെ ഞങ്ങളെ ഭീഷണിപ്പെടുത്തുകയായിരുന്നു. ഞാനും എന്റെ ബന്ധുവും ഖാദര് കരിപ്പടി എന്നയാളും ചേര്ന്ന് അവനെ കുറ്റക്കാരനാക്കാന് ശ്രമിക്കുകയാണെന്നാണ് മെഹ്നാസ് ആരോപിക്കുന്നത്.
ഞങ്ങളാണ് റിഫയുടെ മരണത്തിന് കാരണക്കാരെന്നുമാണ് പറയുന്നത്. സ്വയം ന്യായീകരിക്കുകയാണ് മെഹ്നാസ്. അവനൊന്നും അറിയില്ലെന്നും മുന് വൈരാഗ്യത്തിന്റെ പുറത്ത് ഞങ്ങള് അവനെ കുറ്റക്കാരനാക്കാന് ശ്രമിക്കുകയാണൈന്നും പറയുന്നു. എന്തുകൊണ്ടാണ് പൊലീസില് ഹാജരാക്കത്ത്, അന്ന് സംഭവിച്ചത് എന്താണ്, ജംഷാദിന്റെ മൊഴി എന്നിവയെ സംബന്ധിച്ച് ചോദിച്ചാല് അതിന് മെഹ്നാസിന് ഉത്തരമില്ലെന്നും റിജു പറഞ്ഞു.
'റിഫയുടെ മരണത്തെ സംബന്ധിച്ചും, ഈ കേസില് ബന്ധപ്പെട്ടിട്ടുളള പല ആളുകളെ പറ്റിയും ഞങ്ങളെക്കുറിച്ചും മെഹ്നാസ് വ്യാജ വാര്ത്തകള് ചമച്ച് വിടുകയാണ്. ഇതിലൂടെ ആളുകളെ തെറ്റിദ്ധരിപ്പിക്കാനാണ് അവന്റെ ശ്രമം. റിഫയെ മെഹ്നാസ് ഉപദ്രവിക്കുന്നത് ഒന്ന് രണ്ട് തവണ കണ്ടിരുന്നു. അന്ന് അതിനെ കുറിച്ച് ചോദിച്ചപ്പോള് മെഹ്നാസ് ഒഴിഞ്ഞുമാറുകയാണുണ്ടായത്. മരണം നടന്ന സമയത്തെ മെഹ്നാസിന്റെ പെരുമാറ്റത്തില് സംശയമേ തോന്നിയില്ല. അവിടുത്തെ എല്ലാ നടപടിക്രമങ്ങളും ഞങ്ങള് നോക്കിക്കോളാം എന്ന് പറഞ്ഞു. എന്നോട് ഒന്നിലും ഇടപെടണ്ടയെന്നും പറഞ്ഞു. അന്ന് മെഹ്നാസിന്റെ വാക്കുകളെ വിശ്വസിക്കുകയായിരുന്നു. പക്ഷെ അവിടെയും ഞാന് കബിളിപ്പിക്കപ്പെടുകയായിരുന്നു. പിന്നീട് നാട്ടിലെത്തിയ ശേഷം ഒരു ഷോള് മാത്രം ബാക്കിവെച്ച് മറ്റുളള എല്ലാ സാധനങ്ങളും എടുത്ത് മെഹ്നാസ് അവിടെ നിന്നും പോവുകയായിരുന്നു,'റിജു പറഞ്ഞു.
അതേസമയം റിഫ മെഹ്നുവിന്റേത് ആത്മഹത്യയാണെന്നുളള പോസ്റ്റ്മോര്ട്ടം റിപ്പോര്ട്ട് പുറത്ത് വന്നു. റിഫയുടെ കഴുത്തിലെ അടയാളങ്ങള് തൂങ്ങി മരണം ശരിവയ്ക്കുന്നതാണെന്നാണ് നിഗമനം. ആന്തരിക അവയവങ്ങളുടെ രാസ പരിശോധനാ ഫലം കൂടി ലഭിക്കാനുണ്ട്. ഈ മാസം ഏഴിനാണ് പാവണ്ടൂര് ജുമാ മസ്ജിദ് ഖബര്സ്ഥാനില് അടക്കം ചെയ്ത റിഫയുടെ മൃതദേഹം പുറത്തെടുത്ത് പോസ്റ്റ്മോര്ട്ടം ചെയ്തത്. മാര്ച്ച് ഒന്നിനാണ് ദുബായ് ജാഫിലിയിലെ ഫ്ളാറ്റില് റിഫയെ തൂങ്ങി മരിച്ച നിലയില് കണ്ടെത്തിയത്.
https://www.facebook.com/Malayalivartha
