നിര്ണായക തീരുമാനം .... കല്ലുവാതുക്കല് മദ്യദുരന്ത കേസിലെ പ്രതി മണിച്ചന്റെ ജയില് മോചനം ആവശ്യപ്പെട്ട് ഭാര്യ നല്കിയ ഹര്ജിയില് സുപ്രീം കോടതി തീരുമാനം ഇന്ന്
നിര്ണായക തീരുമാനം .... കല്ലുവാതുക്കല് മദ്യദുരന്ത കേസിലെ പ്രതി മണിച്ചന്റെ ജയില് മോചനം ആവശ്യപ്പെട്ട് ഭാര്യ നല്കിയ ഹര്ജിയില് സുപ്രീം കോടതി തീരുമാനം ഇന്ന്.
ജയില് ഉപദേശക സമിതിയുടെ രേഖകള് സംസ്ഥാന സര്ക്കാര് ഇന്ന് കോടതിയില് സമര്പ്പിക്കും. ഇത് പരിശോധിച്ചതിനുശേഷം മോചനം സംബന്ധിച്ചുള്ള തീരുമാനം കോടതി എടുത്തേക്കുമെന്നാണ് വിവരം.
നാല് മാസം സമയം നല്കിയിട്ടും ജയില് ഉപദേശക സമിതി എന്തുകൊണ്ട് തീരുമാനമെടുത്തില്ലെന്ന് കഴിഞ്ഞ ആഴ്ച കേസ് പരിഗണിച്ചപ്പോള് കോടതി ചോദിച്ചിരുന്നു. ഉപദേശക സമിതി തീരുമാനം എടുത്തില്ലെങ്കില് കോടതിക്ക് തീരുമാനമെടുക്കേണ്ടി വരുമെന്നും സര്ക്കാരിന് മുന്നറിയിപ്പ് നല്കിയിരുന്നു.
മണിച്ചന് ഉള്പ്പടെയുള്ള തടവുകാരെ മോചിപ്പിക്കാന് സര്ക്കാര് നല്കിയ ശുപാര്ശ നിലവില് ഗവര്ണറുടെ പരിഗണനയിലാണ്. കേസിലെ ഏഴാം പ്രതിയാണ് മണിച്ചന്.
മുഖ്യപ്രതികളില് ഒരാളായ ഹൈറുന്നീസ ശിക്ഷ അനുഭവിക്കുന്നതിനിടെ 2009 ല് രോഗബാധിതയായി മരിച്ചു. 2000 ഒക്ടോബര് 31 നാണ് കേസിന് ആസ്പദമായ സംഭവം ഉണ്ടായത്. മണിച്ചന്റെ ഗോഡൌണില് നിന്ന് എത്തിച്ച് ഹൈറുന്നിസയുടെ വീട്ടില് വിതരണം ചെയ്ത മദ്യം കഴിച്ച 31 പേര് മരണമടഞ്ഞിരുന്നു.
"
https://www.facebook.com/Malayalivartha
