നടിയെ പീഡിപ്പിച്ചെന്ന കേസില് ഒളിവില് കഴിയുന്ന നടനും നിര്മാതാവുമായ വിജയ് ബാബുവിന്റെ മുന്കൂര് ജാമ്യഹര്ജി ഹൈക്കോടതി നാളെ പരിഗണിക്കും... സിനിമയില് കൂടുതല് അവസരങ്ങള് ലഭിക്കുകയെന്ന ലക്ഷ്യത്തോടെയാണ് യുവനടി താനുമായി ബന്ധം സ്ഥാപിച്ചതെന്നും ഇപ്പോള് ലൈംഗികമായി പീഡിപ്പിച്ചെന്നു പരാതി നല്കി തന്നെ ബ്ലാക്ക് മെയില് ചെയ്യുകയാണെന്നും വിജയ് ബാബു ഹര്ജിയില്, വിജയ് ബാബുവുമായി ബഹുരാഷ്ട്ര കമ്പനി ഉണ്ടാക്കിയ കോടികളുടെ കരാര് റദ്ദാക്കിയതായി സൂചന
നടിയെ പീഡിപ്പിച്ചെന്ന കേസില് ഒളിവില് കഴിയുന്ന നടനും നിര്മാതാവുമായ വിജയ് ബാബുവിന്റെ മുന്കൂര്ജാമ്യഹര്ജി ഹൈക്കോടതി തിങ്കളാഴ്ച പരിഗണിക്കും. ജസ്റ്റിസ് പി. ഗോപിനാഥിന്റെ ബെഞ്ചാണ് ഹര്ജി പരിഗണിക്കുന്നത്.
കഴിഞ്ഞമാസം 29-ന് നല്കിയ ഹര്ജിയില് ഹൈക്കോടതി സര്ക്കാരിന്റെ നിലപാട് തേടിയിരുന്നു. തുടര്ന്ന് വേനലവധിക്കുശേഷം പരിഗണിക്കാന് മാറ്റുകയായിരുന്നു. സിനിമയില് കൂടുതല് അവസരങ്ങള് ലഭിക്കുകയെന്ന ലക്ഷ്യത്തോടെയാണ് യുവനടി താനുമായി ബന്ധം സ്ഥാപിച്ചതെന്നും ഇപ്പോള് ലൈംഗിമായി പീഡിപ്പിച്ചെന്നു പരാതി നല്കി തന്നെ ബ്ലാക്ക് മെയില് ചെയ്യുകയാണെന്നും വിജയ് ബാബു ഹര്ജിയില്. . തന്റെ പുതിയ ചിത്രത്തില് അവസരമില്ലെന്നറിഞ്ഞാണ് യുവനടി പരാതി നല്കിയതെന്നും ആരോപിക്കുന്നു.
നടിയുടെ പരാതിയെത്തുടര്ന്ന് പോലീസ് കേസ് എടുത്തതോടെ വിജയ് ബാബു ദുബായിലേക്ക് കടന്നിരുന്നു. വിജയ് ബാബുവിനെ നാട്ടിലെത്തിക്കാനുള്ള നീക്കം പോലീസ് ശക്തമാക്കിയിട്ടുണ്ട്. പോലീസ് ഇന്റര്പോളിന്റെ സഹായത്തോടെ ബ്ലൂ കോര്ണര് നോട്ടീസ് പുറപ്പെടുവിച്ചു. പാസ്പോര്ട്ട് റദ്ദാക്കി. ഇതോടെ വിജയ് ബാബു ജോര്ജിയയിലേക്ക് കടന്നെന്നാണ് പോലീസ് പറയുന്നത്.
കുറ്റവാളികളെ കൈമാറാന് ഇന്ത്യയുമായി കരാറില്ലാത്ത രാജ്യമാണ് ജോര്ജിയ. ജോര്ജിയയില് ഇന്ത്യന് എംബസിയില്ല. സമീപരാജ്യമായ അര്മേനിയയിലാണ് എംബസിയുള്ളത്. അവിടുത്തെ സ്ഥാനപതിക്കാണ് ജോര്ജിയയുടെയും ചുമതല. അര്മേനിയന് എംബസിയുമായി ബന്ധപ്പെട്ട് വിജയ് ബാബുവിനെ നാട്ടിലെത്തിക്കാനാണ് പോലീസ് നീക്കം നടത്തുന്നത്. ഈ നീക്കത്തിലൂടെ വിജയ് ബാബുവിന്റെ ഒളിത്താവളം കണ്ടെത്താമെന്നും പിടികൂടി നാട്ടിലെത്തിക്കാന് സാധിക്കുമെന്നുമാണ് പോലീസ് പ്രതീക്ഷിക്കുന്നത്. വിജയ് ബാബു എത്രയുംപെട്ടെന്ന് കീഴടങ്ങണമെന്ന് പോലീസ് അന്ത്യശാസനം നല്കുകയും ചെയ്തു.
മേയ് 24-നകം ഹാജരായില്ലെങ്കില് വിജയ് ബാബുവിനെതിരേ റെഡ് കോര്ണര് നോട്ടീസ് പുറപ്പെടുവിക്കുമെന്ന് കഴിഞ്ഞ ദിവസം സിറ്റി പോലീസ് കമ്മിഷണര് വ്യക്തമാക്കിയിരുന്നു.
പീഡനക്കേസിനൊപ്പം ഇരയുടെ പേര് വെളിപ്പെടുത്തിയതിന് മറ്റൊരു കേസും വിജയ് ബാബുവിനെതിരേ നിലവിലുണ്ട്. അതിനിടെ കേസിന്റെ പശ്ചാത്തലത്തില് വെബ്സീരീസ് നിര്മിക്കാന് വിജയ് ബാബുവുമായി ബഹുരാഷ്ട്ര കമ്പനി ഉണ്ടാക്കിയ കോടികളുടെ കരാര് റദ്ദാക്കിയതായാണ് സൂചന.
https://www.facebook.com/Malayalivartha
