ഓഹരി വിപണിയില്‍ വീണ്ടും തകര്‍ച്ച. വ്യാപാരത്തിന്റെ ആരംഭത്തിൽ സെന്‍സെക്‌സ് 600 പോയിന്റാണ് ഇടിഞ്ഞത്. നിലവില്‍ 77,000ല്‍ താഴെയാണ് സെന്‍സെക്‌സ്. നിഫ്റ്റി താഴുമോയെന്ന ആശങ്കയിലാണ് നിക്ഷേപകര്‍. എണ്ണവില വര്‍ധന ഉള്‍പ്പെടെയുള്ള ഘടകങ്ങളാണ് ഓഹരി വിപണിയെ ബാധിക്കുന്നത്.

അമേരിക്ക- ഇറാന്‍ സംഘര്‍ഷം തുടരുന്നതാണ് എണ്ണവില ഉയര്‍ന്നുനില്‍ക്കാനായി കാരണം. എണ്ണവില വര്‍ദ്ധന ഇന്ത്യയുടെ ഇറക്കുമതി ചെലവ് വര്‍ദ്ധിക്കാന്‍ ഇടയാക്കും. ഇതാണ് വിപണിയില്‍ പ്രതിഫലിക്കുന്നത്.

അതേസമയം സംസ്ഥാനത്ത് സ്വർണവില കുതിക്കുന്നു. ഗ്രാമിന് 210രൂപ വർദ്ധിച്ച് 13,430 ആയി. പവന് 1,07,440 രൂപയാണ് ഇന്നത്തെ വിപണി വില. പവന് 1,680രൂപയാണ് ഇന്ന് വർദ്ധിച്ചത്.