പ്രശസ്ത സിനിമാ നാടക സംഗീത സംവിധായകന്‍ ചന്ദ്രന്‍ വേയാട്ടുമ്മല്‍ (പാരീസ് ചന്ദ്രന്‍-66) അന്തരിച്ചു... ദൃഷ്ടാന്തം, ചായില്യം, ബോംബെ മിഠായി, നഗരം, ഈട, ബയോസ്‌കോപ്പ്, ഞാന്‍ സ്റ്റീവ് ലോപ്പസ് എന്നീ ചിത്രങ്ങള്‍ക്ക് ഇദ്ദേഹം സംഗീതം പകര്‍ന്നിരുന്നു.


1988-ല്‍ ബി.ബി.സി. യുടെ 'ദി മണ്‍സൂണ്‍' എന്ന റേഡിയോ നാടകത്തിനുവേണ്ടിയും സംഗീതം നല്‍കിയിട്ടുണ്ട്. സ്‌കൂള്‍ ഓഫ് ഡ്രാമയില്‍നിന്നാണ് പഠനം പൂര്‍ത്തിയാക്കിയത്.

2008-ല്‍ ബയോസ്‌കോപ്പ് എന്ന ചിത്രത്തിന് മികച്ച പശ്ചാത്തല സംഗീതത്തിനുള്ള കേരള സംസ്ഥാന അവാര്‍ഡും, 2010-ല്‍ 'പ്രണയത്തില്‍ ഒരുവള്‍' എന്ന ടെലിഫിലിമിന് മികച്ച സംഗീത സംവിധായകനുള്ള കേരള സ്റ്റേറ്റ് ടെലിവിഷന്‍ അവാര്‍ഡും ലഭിച്ചു.

1989-91ല്‍ ലണ്ടനിലെ പ്രശസ്തമായ റോയല്‍ നാഷണല്‍ തിയേറ്ററില്‍ ഒട്ടേറെ പരിപാടികള്‍ അവതരിപ്പിച്ചിട്ടുണ്ട്. പാരീസിലെ യ ഫുട്സ്‌ബെന്‍ തിയേറ്ററുമായി സഹകരിച്ചു ഒട്ടേറെ രാജ്യങ്ങളില്‍ നാടകങ്ങള്‍ക്കുവേണ്ടി സംഗീതംചെയ്തിരുന്നു. . സംസ്‌കാരം ഇന്ന് നാലിന് നരിക്കുനി വട്ടപ്പാറപ്പൊയില്‍ വീട്ടുവളപ്പില്‍ നടക്കും.