മാധ്യമങ്ങളെ വിലക്കിയ ഗവര്ണർക്കെതിരെ രംഗത്ത് എത്തിയിരിക്കുകയാണ് കെ ടി ജലീൽ. 'ഗവർണ്ണർ മാധ്യമങ്ങളെ പിളർത്തി. പത്രപ്രവർത്തക യൂണിയനിലും രാജഭക്തർ പിടിമുറുക്കാനുള്ള സാദ്ധ്യത തള്ളിക്കളയാനാവില്ല. വാർത്തകൾ അറിയാൻ സാമൂഹ്യ മാധ്യമങ്ങളെ പൂർണ്ണമായും പൊതുജനം ആശ്രയിക്കുന്ന കാലം വിദൂരമല്ല' എന്നും അദ്ദേഹം കുറിക്കുകയുണ്ടായി.

ഫേസ്ബുക്ക് കുറിപ്പ് ഇങ്ങനെ;

ഗവർണ്ണർ മാധ്യമങ്ങളെ പിളർത്തി. പത്രപ്രവർത്തക യൂണിയനിലും രാജഭക്തർ പിടിമുറുക്കാനുള്ള സാദ്ധ്യത തള്ളിക്കളയാനാവില്ല. വാർത്തകൾ അറിയാൻ സാമൂഹ്യ മാധ്യമങ്ങളെ പൂർണ്ണമായും പൊതുജനം ആശ്രയിക്കുന്ന കാലം വിദൂരമല്ല.

നികുതിയടക്കാത്ത പത്ര-ചാനൽ മുതലാളിമാരുടെ പണപ്പെട്ടിയുടെ മേൽ കൈവെച്ചാണ് അധികാരികളുടെ നിൽപ്പ്. ശമ്പളം കൊടുക്കുന്നവനും വാങ്ങുന്നവനും ഒരുപോലെ വിനീത വിധേയരാവുക സ്വാഭാവികം. നിരന്തരമായ ഇടതു വിരുദ്ധ വാർത്തകൾ ചില പത്രങ്ങളിലും ചാനലുകളിലും നിറഞ്ഞ് നിൽക്കുന്നതിൻ്റെ "രഹസ്യം"ജനങ്ങൾക്ക് തിരിച്ചറിയാൻ ഈ വേർതിരിവ് ഏറെ ഉപകരിക്കും.

ഇടതു വിരുദ്ധ മഹാസഖ്യത്തിൽ ഘടകകക്ഷിയായി തുളളിച്ചാടിയവർക്കും കിട്ടി ഗവർണ്ണറുടെ കൊട്ട്. മനുഷ്യപ്പറ്റുള്ളവരും മാധ്യമ രംഗത്തുണ്ടെന്നത് സന്തോഷകരം.