ബിജെപി കൗൺസിലർ സിമി ജ്യോതിഷിനെതിരെ ആക്രമണം . ബിജെപി കൗൺസിലർ സിമി ജ്യോതിഷിനെതിരായ ആക്രമണം ആസൂത്രിതമെന്ന് ബിജെപി സിറ്റി ജില്ലാ അദ്ധ്യക്ഷൻ കരമന ജയൻ. സിമി ജ്യോതിഷനെ ശാരീരികവും മാനസികവുമായി തകർക്കുന്നതിന്റെ ഭാഗമായി മുൻ കൗൺസിലർ സുലോചനനാണ് ഇത് ആസൂത്രണം ചെയ്തത്.പരമ്പരാഗത എൽഡിഎഫ് വാർഡായ അമ്പലത്തറ ബിജെപി പിടിച്ചെടുത്തതിലെ വൈരാഗ്യമാണ് മർദ്ദനത്തിന് പിന്നിൽ. വരുന്ന നിയമസഭാ തെരഞ്ഞെടുപ്പിൽ നേമം മണ്ഡലത്തിൽ ബിജെപി ജയിക്കുമെന്ന ആശങ്കയിൽ മനഃപൂർവം സംഘർഷം സൃഷ്ടിക്കാൻ ശ്രമിക്കുകയാണ്.

ശക്തമായി പ്രതിഷേധിക്കുമെന്നും നിയമപരമായി ബിജെപി മുന്നോട്ടുപോകുമെന്നും അദ്ദേഹം പറഞ്ഞു.ഇന്ന് ഉച്ചയ്‌ക്കാണ് അമ്പലത്തറ വാർഡ് കൗൺസിലറായ സിമി ജ്യോതിഷിന് മർദ്ദനമേറ്റത്. സംഭവത്തിൽ ഗുരുതരമായി പരുക്കേറ്റ സിമി ജ്യോതിഷ് ജനറൽ ആശുപത്രിയിൽ ചികിത്സയിലാണ്. പ്രദേശത്ത് അനധികൃതമായി ഭക്ഷണ അവശിഷ്ടം എടുക്കുന്നത് വിലക്കിയതിനാണ് മർദ്ദനം. ഒന്നര മാസം മുൻപ് ഫുഡ് വേസ്റ്റ് വഴിയിൽ ഉപേക്ഷിക്കാറുണ്ടെന്ന പരാതിയെ തുട‍ർന്ന് ശാന്തിനി എന്ന യുവതിയെ ജോലിയിൽ നിന്നും വിലക്കിയിരുന്നു. ഈ ശാന്തിനിയുടെ ഭർത്താവ് സതീശനാണ് കൗൺസിലർക്ക് നേരെ ആക്രമണം നടത്തിയത്.

അതേസമയം, ആക്രമത്തിന് പിന്നിൽ ഇടത് പാർട്ടികളുടെ ഗൂഢാലോചനയുണ്ടോ എന്ന സംശയവും ശക്തമാണ്.കൗൺസിലറെ മർദ്ദിച്ചശേഷം സതീശൻ നേരെ പോയത് മുൻ വാർഡ് കൗൺസിലറുടെ അടുത്തേക്കാണ്. സിപിഐ മുൻ വാർഡ് കൗൺസിലർ സുലോചനനുമായി സതീശൻ സംസാരിക്കുന്ന സിസിടിവി ദൃശ്യം പുറത്തു വന്നിട്ടുണ്ട് . ഭാര്യയെ ജോലിയില്‍ നിന്ന് വിലക്കിയതിലുള്ള വൈരാഗ്യത്തില്‍ വീട്ടിലെത്തി ഹെല്‍മറ്റുകൊണ്ട് അടിച്ചെന്നാണ് പരാതി.

എന്നാല്‍ കൗണ്‍സിലറാണ് മര്‍ദിച്ചതെന്ന് ആരോപണവിധേയനായ സതീഷും പരാതി നല്‍കി.സിമി ജ്യോതിഷ് പൂന്തുറ പ്രാഥമിക ആരോഗ്യ കേന്ദ്രത്തില്‍ ചികിത്സ തേടിയപ്പോള്‍ സതീഷ് ജനറല്‍ ആശുപത്രിയില്‍ ചികിത്സ തേടി. ജോലിയില്‍ നിന്ന് മാറ്റിയത് ചോദിക്കാനെത്തിയപ്പോള്‍ സിമി ജ്യോതിഷ് ജാതിപ്പേര് വിളിച്ച് ആക്ഷേപിച്ചെന്നും മര്‍ദിച്ചെന്നുമാണ് സതീഷിന്‍റെ പരാതി. സതീഷ്‌ കുമാർ ജനറൽ ആശുപത്രിയിൽ ചികിത്സതേടി. എസ് സി എസ്ടി ആക്ട് പ്രകാരം ക‍ൗൺസിലർക്കെതിരെയും സതീഷ്‌ കുമാർ മർദിച്ചെന്നാരോപിച്ച്‌ ക‍ൗൺസിലറുടെ പരാതിയിലും ഫോർട്ട്‌ പൊലീസ്‌ കേസെടുത്തു.