അമല്‍ നീരദിന്റെ സിനിമകളില്‍ കള്‍ട്ട് ആരാധകരുള്ള ചിത്രം 'ബാച്ച്‌ലര്‍ പാര്‍ട്ടി' രണ്ടാം ഭാഗം പ്രഖ്യാപിച്ചതു മുതല്‍ മലയാളി പ്രേക്ഷകര്‍ ആവേശത്തിലാണ്. ബാച്ച്‌ലര്‍ പാര്‍ട്ടി D’EUX  എന്നാണ് സിനിമയ്ക്ക് പേരിട്ടിരിക്കുന്നത്. സിനിമയുടെ ചിത്രീകരണം പുരോഗമിക്കുകയാണ്. ഏപ്രില്‍ അവസാനത്തോടെ ചിത്രീകരണം പൂര്‍ത്തിയാക്കാനാണ് പദ്ധതി. ഉണ്ണി ആര്‍. ആണ് സംഭാഷണം ഒരുക്കുന്നത്.

ഫ്രഞ്ച് ഭാഷയില്‍ DEUX എന്നാല്‍ 'രണ്ട്' എന്നാണ് അര്‍ഥമാക്കുന്നത്.D’EUX  എന്നാല്‍ അവരുടെ അല്ലെങ്കില്‍ അവരെക്കുറിച്ച് എന്നാണെന്നും അമല്‍ നീരദ് പറയുന്നു. അമല്‍ നീരദ് പ്രൊഡക്ഷന്‍സ്, ഫഹദ് ഫാസില്‍ പ്രൊഡക്ഷന്‍സും അന്‍വര്‍ റഷീദും ചേര്‍ന്നാണ് സിനിമ നിര്‍മിക്കുന്നത്. വമ്പന്‍ താരയാണ് ചിത്രത്തില്‍ അണിനിരക്കുന്നത്. ടൊവിനോ തോമസ്, കുഞ്ചാക്കോ ബോബന്‍, നസ്‌ലിന്‍, സൗബിന്‍ ഷാഹിര്‍, ഷറഫുദ്ദീന്‍, ശ്രീനാഥ് ഭാസി എന്നിവരാകും പ്രധാന വേഷത്തില്‍. ഷൈന്‍ ടോം ചാക്കോ, ചന്തു, നദിയ മൊയ്തു, ജ്യോതിര്‍മയി, രജിഷ വിജയന്‍ തുടങ്ങിയവരും താരനിരയിലുണ്ട്.

അപ്പു പ്രഭാകരന്‍ ആണ് ഛായാഗ്രഹണം. സംഗീതം കൈകാര്യം ചെയ്യുന്നത് ക്രിസ്‌റ്റോ സേവ്യര്‍. എഡിറ്റിങ് വിവേക് ഹര്‍ഷന്‍. പൂജ റിലീസ് ആയി തിയറ്ററുകളിലെത്തുമെന്ന് റിപ്പോര്‍ട്ട് ഉണ്ട്.അമല്‍ നീരദ് സംവിധാനം ചെയ്ത് 2012ല്‍ പുറത്തിറങ്ങിയ കോമഡിആക്ഷന്‍ ചിത്രമാണ് ബാച്ച്‌ലര്‍ പാര്‍ട്ടി.ആസിഫ് അലി, റഹ്മാന്‍, ഇന്ദ്രജിത്ത്, കലാഭവന്‍ മണി, വിനായകന്‍ തുടങ്ങിയവര്‍ പ്രധാന വേഷങ്ങളിലെത്തിയ ചിത്രം ഇന്നും ആരാധകര്‍ക്ക് പ്രിയപ്പെട്ടതാണ്.