2075ഓടെ ഇന്ത്യ ഏറ്റവും വലിയ രണ്ടാമത്തെ സാമ്പത്തിക ശക്തിയാകും. അമേരിക്കയെ പിന്നിലാക്കി നേട്ടമുണ്ടക്കുമെന്നാണ് പ്രവചനം. ആഗോള ഫിനാൻഷ്യൽ സർവീസ് കമ്പനിയായ ഗോൾഡ്മാൻ സാക്സിന്റെ ഈ പ്രവചനം ഇന്ത്യയെ ആവേശത്തിലാക്കിയിരിക്കുകയാണ്. ഗോൾഡ്മാൻ സാച്സിന്റെ പ്രധാന കണ്ടുപിടിത്തങ്ങൾ വിശദമായി നോക്കാം . 1.4 ബില്യൺ ജനസംഖ്യയുള്ള ഇന്ത്യയുടെ ജിഡിപി വികസിക്കും.

2075 ഓടെ രാജ്യം ലോകത്തിലെ രണ്ടാമത്തെ വലിയ സമ്പദ്‌വ്യവസ്ഥയായി മാറും. 2075ഓടെ ഇന്ത്യയുടെ സമ്പദ്‌വ്യവസ്ഥ 52.5 ട്രില്യൺ ഡോളറായി ഉയരും . അമേരിക്കയെ പിന്തള്ളി ചൈന രണ്ടാമതാകും. ഇത്തരത്തിലുള്ള നിർണായകമായ കണ്ടെത്തലുകൾ ആണ് നടത്തിയിരിക്കുന്നത് . വർധിച്ചുവരുന്ന ജനസംഖ്യയുടെ സാധ്യതകൾ ഉപയോഗപ്പെടുത്താനുള്ള മാർഗങ്ങൾ കൂടെ ഗോൾഡ്മാൻ സാച്ച്‌സ് റിസർച്ചിന്റെ ഇന്ത്യൻ സാമ്പത്തിക വിദഗ്ധൻ സന്തനു സെൻഗുപ്ത വ്യക്തമാക്കിയിട്ടുണ്ട്.

തൊഴിൽ രംഗത്തെ പങ്കാളിത്തം ആഗോളതലത്തിൽ വർധിപ്പിക്കുക , നൈപുണ്യവികസനത്തിൽ വൈദഗ്ധ്യം നേടുക എന്നിവയാണ് അത്. അടുത്ത രണ്ട് ദശാബ്ദങ്ങളിൽ ഇന്ത്യയുടെ ആശ്രിതത്വ അനുപാതം മറ്റുള്ള സമ്പദ്‌വ്യവസ്ഥകളെ താരതമ്യം ചെയ്യുമ്പോൾ ഏറ്റവും താഴ്ന്ന നിരക്കിലാണ് . ഉൽപ്പാദന ശേഷി വർധിപ്പിക്കുക, സേവന രംഗത്തെ വളർച്ച തുടരുക, അടിസ്ഥാന വികസന രംഗത്തെ വളർച്ച തുടങ്ങിയ കാര്യങ്ങളിൽ ഇന്ത്യക്ക് മുന്നിൽ പുതിയ വാതായനങ്ങൾ തുറക്കപ്പെട്ടിരിക്കുകയാണ്. ഇന്ത്യയിലെ ജനസംഖ്യാ വളർച്ചയുടെ അനുപാതം നല്ലതാണ്. സാങ്കേതികവിദ്യയിൽ പ്രതീക്ഷിച്ചതിനപ്പുറം പുരോഗതി നേടിയിരിക്കുകയാണ്. ജിഡിപിയുടെ വികസനത്തിന് ജനസംഖ്യാ വളർച്ച മാത്രം ഒരു കാരണമായി മാറില്ല.