ഡ്രോൺ ആക്രമണത്തിൽ ഒമാൻ തീരത്ത് ഇന്ത്യൻ ചരക്ക് കപ്പൽ മുങ്ങിയതായി റിപ്പോർട്ടുകൾ . ​കപ്പലിലുണ്ടായിരുന്ന 14 ഇന്ത്യൻ നാവികരെ ഒമാൻ അധികൃതർ രക്ഷപ്പെടുത്തിയതായി റിപ്പോർട്ടിൽ പറയുന്നു. ​ഗുജറാത്തിലെ ദേവഭൂമി ദ്വാരക ജില്ലയിലെ സലാല തുറമുഖത്ത് രജിസ്റ്റർ ചെയ്ത കപ്പലാണിത്.

ഒമാന്റെ വടക്ക് തീരത്തുള്ള ലിമയ്ക്ക് സമീപം പുലർച്ചെ ഏകദേശം 3.30 ഓടെ കടന്നുപോകുമ്പോഴാണ് ആക്രമണമുണ്ടായത്. യാത്രക്കിടെ ഒരു അജ്ഞാത സ്ഫോടവസ്തു കപ്പലിൽ വന്ന് പതിക്കുകയായിരുന്നു.അപകടസമയത്ത് കപ്പലിലുണ്ടായിരുന്ന 14 പേർ അപായസൂചന നൽകുകയും ഉടൻ തന്നെ ലൈഫ് ബോട്ടുകളിലേക്ക് മാറുകയും ചെയ്തു. ഇവരെ സുരക്ഷിതമായി ദീബ തീരത്ത് എത്തിക്കുകയും ചെയ്തതായാണ് സൂചനകളുള്ളത്. സംഭവത്തിൽ വിദേശകാര്യ മന്ത്രാലയം കടുത്ത അതൃപ്തി രേഖപ്പെടുത്തുകയും ചെയ്തു.