കുടുംബത്തോടെ നാറി... തിരഞ്ഞെടുപ്പിനിടെ ലൈംഗിക പീഡന പരാതിയില് കേസെടുത്തത് കര്ണാടകം തിളയ്ക്കുന്നു; ദേവെഗൗഡയുടെ മകനും എംഎല്എയുമായ എച്ച്.ഡി.രേവണ്ണ, രേവണ്ണയുടെ മകനും ഹാസന് എംപിയുമായ പ്രജ്വല് രേവണ്ണ എന്നിവര്ക്കെതിരെ അന്വേഷണം
കര്ണാടക തെരഞ്ഞെടുപ്പിനിടെ ലൈംഗിക പീഡന പരാതി ഒരു കുടുംബത്തെ നാണം കെടുത്തുന്നു. ലൈംഗിക പീഡന പരാതിയില് കേസെടുത്തത് കര്ണാടക രാഷ്ട്രീയത്തെ ചൂടുപിടിപ്പിക്കുകയാണ്. ജനതാദള് (എസ്) ദേശീയ അധ്യക്ഷന് ദേവെഗൗഡയുടെ മകനും എംഎല്എയുമായ എച്ച്.ഡി.രേവണ്ണ, രേവണ്ണയുടെ മകനും ഹാസന് എംപിയുമായ പ്രജ്വല് രേവണ്ണ എന്നിവര്ക്കെതിരെയുള്ള കേസില് പ്രത്യേക അന്വേഷണ സംഘത്തെ നിയോഗിച്ചു.
ഹാസനിലെ ദള് സ്ഥാനാര്ഥിയായ പ്രജ്വല് 26ന് വോട്ടെടുപ്പു കഴിഞ്ഞതിനു പിന്നാലെ ജര്മനിയിലേക്ക് കടന്നതായാണ് വിവരം. രേവണ്ണയ്ക്കെതിരെ അദ്ദേഹത്തിന്റെ ഭാര്യയുടെ ബന്ധു കൂടിയായ സ്ത്രീയാണ് (48) പരാതി നല്കിയത്. വീട്ടില് ജോലിക്കു നിന്ന തന്നെ രേവണ്ണ പീഡിപ്പിച്ചിരുന്നതായും പ്രജ്വല് മകളുടെ അശ്ലീല വിഡിയോ ചിത്രീകരിച്ചെന്നും പരാതിയില് പറയുന്നു.
കഴിഞ്ഞ ദിവസം ഒട്ടേറെ സ്ത്രീകള്ക്കൊപ്പമുള്ള പ്രജ്വലിന്റെ അശ്ലീല വിഡിയോകള് പ്രചരിച്ചിരുന്നു. അശ്ലീല ദൃശ്യങ്ങളുടെ പെന്ഡ്രൈവുകള് പാര്ക്കുകള്, ബസ് സ്റ്റോപ്പുകള്, സ്റ്റേഡിയം എന്നിവിടങ്ങളില് നിന്നാണു ലഭിച്ചത്. സ്വയം ചിത്രീകരിച്ച ദൃശ്യങ്ങള് അബദ്ധത്തില് ചോര്ന്നതാണെന്നാണ് പൊലീസിന്റെ പ്രാഥമിക നിഗമനം.
അന്വേഷണത്തെ സ്വാഗതം ചെയ്ത ദള് സംസ്ഥാന അധ്യക്ഷന് എച്ച്.ഡി. കുമാരസ്വാമി തെറ്റുചെയ്തെന്നു തെളിഞ്ഞാല് പ്രജ്വലിനെതിരെ പാര്ട്ടി നടപടിയുണ്ടാകുമെന്നു പറഞ്ഞു. അതേ സമയം, ദളിന്റെ സഖ്യകക്ഷിയായ ബിജെപി സംഭവത്തെക്കുറിച്ച് ഇതുവരെ പ്രതികരിച്ചിട്ടില്ല. എംപിക്കെതിരെ കടുത്ത നടപടി ആവശ്യപ്പെട്ട് മഹിളാ കോണ്ഗ്രസ്, യൂത്ത് കോണ്ഗ്രസ് പ്രവര്ത്തകര് ബെംഗളൂരുവില് പ്രതിഷേധിച്ചു. ദൃശ്യങ്ങള് പ്രചരിച്ചതിനു പിന്നാലെ വനിതാ സംഘടനകളുടെ കൂട്ടായ്മ വനിതാ കമ്മിഷനെ സമീപിച്ചിരുന്നു.
അതേസമയം കര്ണാടകയിലെ ഹാസന് ലോക്സഭാ മണ്ഡലത്തിലെ ജെഡിഎസ് സ്ഥാനാര്ത്ഥിയും ദേവഗൗഡയുടെ കൊച്ചുമകനുമായ പ്രജ്വല് രേവണ്ണക്കെതിരെ കേസെടുത്ത് പൊലീസ്. പ്രജ്വലും അച്ഛന് രേവണ്ണയും പല തവണ പീഡിപ്പിച്ചുവെന്ന പീഡിപ്പിച്ചെന്ന് കാട്ടി ഒരു യുവതി നല്കിയ പരാതിയിലാണ് ഹൊലെനരസിപൂര് പൊലീസ് ഇരുവര്ക്കുമെതിരെ കേസെടുത്തത്. സംഭവം വന് വിവാദമായതോടെ പ്രജ്വല് രാജ്യം വിട്ടു.
ഹാസനിലെ സിറ്റിംഗ് എംപിയായ പ്രജ്വലിനെതിരെ അശ്ലീല വീഡിയോ വിവാദം കത്തി പടരുന്നതിനിടെയാണ് പ്രജ്വലും അച്ഛന് രേവണ്ണയും പല തവണ പീഡിപ്പിച്ചെന്നാരോപിച്ച് യുവതി പൊലീസില് പരാതി നല്കുന്നത്. ലൈംഗിക പീഡന പരാതിയില് കേസ് രജിസ്റ്റര് ചെയ്തതിന് പിന്നാലെ പ്രജ്വല് രാജ്യം വിട്ടു. ജര്മനിയിലെ ഫ്രാങ്ക്ഫര്ട്ടിലേക്കാണ് പ്രജ്വല് പോയിരിക്കുന്നതെന്നാണ് സ്ഥിരീകരിക്കാത്ത റിപ്പോര്ട്ടുകള്. അതേസമയം, കുറ്റം ചെയ്തവര് ശിക്ഷിക്കപ്പെടട്ടെയെന്നും രാജ്യം വിട്ട പ്രജ്വലിനെ പൊലീസ് തിരിച്ച് കൊണ്ടുവന്നോളുമെന്നുമാണ് പ്രജ്വലിന്റെ ചെറിയച്ഛനും മുന് മുഖ്യമന്ത്രിയുമായ കുമാരസ്വാമി പ്രതികരിച്ചത്. പ്രജ്വലിനെ കൈവിട്ടുകൊണ്ടുള്ള കുമാരസ്വാമിയുടെ പ്രസ്താവന ദേവഗൗഡ കുടുംബത്തിലെ ഭിന്നതയുടെ സൂചനയായി.
അതേസമയം, ജെ.ഡി.എസ്. പാര്ട്ടി ആസ്ഥാനത്ത് ഇന്ന് അടിയന്തിരയോഗം വിളിച്ചിട്ടുണ്ട്. കര്ണാടകയിലെ വോട്ടെടുപ്പിന് രണ്ടുദിവസം മുമ്പ്, ഏപ്രില് 26-നാണ് സ്ത്രീകളുടെ സമ്മതമില്ലാതെ ചിത്രീകരിച്ച അശ്ലീല വീഡിയോകള് ഹസനില് പ്രചരിക്കാന് തുടങ്ങിയത്. പിന്നാലെ സംഭവത്തെക്കുറിച്ച് അന്വേഷിക്കാന് പ്രത്യേക അന്വേഷണ സംഘം രൂപവത്കരിക്കണമെന്ന് സംസ്ഥാന വനിതാ കമ്മീഷന് മുഖ്യമന്ത്രി സിദ്ധരാമയ്യയോട് ആവശ്യപ്പെട്ടിരുന്നു. ഇതോടെയാണ് പ്രത്യേക അന്വേഷണ സംഘം രൂപവത്കരിക്കാന് മുഖ്യമന്ത്രി ഉത്തരവിട്ടത്.
ഹസന് ജില്ലയില് കുറച്ച് അശ്ലീല വീഡിയോ ദൃശ്യങ്ങള് പ്രചരിക്കുന്നുണ്ട്. സ്ത്രീകള് ലൈംഗികമായി ചൂഷണം ചെയ്യപ്പെടുന്നതായാണ് ആ ദൃശ്യങ്ങളില്നിന്നും വ്യക്തമാകുന്നത്. ഈ സാഹചര്യത്തില് പ്രത്യേക അന്വേഷണ സംഘം രൂപവത്കരിച്ച് ഈ കേസ് അന്വേഷിക്കണം എന്നാവശ്യപ്പെട്ട് വനിതാ കമ്മീഷന് ചെയര്പേഴ്സണ് മുഖ്യമന്ത്രിക്ക് കത്ത് നല്കിയിട്ടുണ്ട്. അവരുടെ അഭ്യര്ഥന മാനിച്ചാണ് പ്രത്യേക അന്വേഷണ സംഘം രൂപവത്കരിച്ച് കേസില് അന്വേഷണം നടത്താന് സംസ്ഥാന സര്ക്കാര് തീരുമാനിച്ചിരിക്കുന്നതെന്ന് മുഖ്യമന്ത്രി സിദ്ധരാമയ്യ പറഞ്ഞു.
"
https://www.facebook.com/Malayalivartha