പ്രശസ്ത നാടക നടന് എം.സി ചാക്കോ അന്തരിച്ചു... വാര്ധക്യ സഹജമായ അസുഖത്തെ തുടന്ന് ചികിത്സയിലിരിക്കെയാണ് അന്ത്യം, സംസ്കാരം നാളെ
പ്രശസ്ത നാടക നടന് എം.സി ചാക്കോ(75) അന്തരിച്ചു. വാര്ധക്യ സഹജമായ അസുഖത്തെ തുടന്ന് ചികിത്സയിലിരിക്കെയാണ് അന്ത്യം. എം. സി കട്ടപ്പന എന്ന പേരിലാണ് അദ്ദേഹം അറിയപ്പെട്ടിരുന്നത്.
1977-ല് ആറ്റിങ്ങല് ദേശാഭിമാനി തിയേറ്റേഴ്സിന്റെ 'പുണ്യതീര്ത്ഥംതേടി' എന്ന പ്രൊഫഷണല് നാടകത്തിലാണ് ആദ്യമായി അഭിനയിച്ചത്.
മുപ്പതോളം പ്രൊഫഷണല് നാടകങ്ങളിലായി ഏഴായിരത്തിലധികം വേദികളില് എം. സി കട്ടപ്പന അഭിനയിച്ചിട്ടുണ്ട്. നിരവധി സിനിമകളിലും സീരിയലുകളിലും അദ്ദേഹം വേഷമിട്ടിട്ടുണ്ട്.
'കാഴ്ച', 'പളുങ്ക്', 'നായകന്' തുടങ്ങിയവയാണ് ശ്രദ്ധേയ ചിത്രങ്ങള്. 2007-ല് കൊല്ലം അരീനയുടെ 'ആരും കൊതിക്കുന്നമണ്ണ്' എന്ന നാടകത്തിലെ അഭിനയത്തിന് മികച്ച നടനുള്ള സംസ്ഥാന സര്ക്കാര് അവാര്ഡ് ലഭിച്ചു. 2014-ല് കേരള സംഗീത നാടക അക്കാദമിയുടെ അഭിനയശ്രീ പുരസ്കാരവും ലഭിച്ചു. സംസ്കാരം നാളെ രാവിലെ 10 മണിക്ക് കട്ടപ്പന സെന്റ് ജോര്ജ് ഫോറോന പള്ളി സെമിത്തേരിയില് .
https://www.facebook.com/Malayalivartha
