പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യുന്ന വേവ്സ് എന്റർടെയ്ൻമെന്റ് സമ്മിറ്റിൽ പ്രധാന താരമായി മോഹൻലാൽ എത്തിയതോടെ ലാൽ പ്രതിസ്ഥാനത്തുള്ള ആനക്കൊമ്പ് കേസ് സജീവമാക്കാൻ സി പി എം ശ്രമം തുടങ്ങി. മുംബൈയിലെ ജിയോ വേൾഡ് കണ്‍വെൻഷൻ സെന്ററിൽ നടക്കുന്ന ഇന്ത്യയിലെ ആദ്യ വേൾഡ് ഓഡിയോ വിഷ്വൽ ആൻഡ് എന്റർടെയ്ൻമെന്റ് സമ്മിറ്റിൽ അമിതാഭ് ബച്ചൻ, രജനികാന്ത്, ഷാറുഖ് ഖാൻ, അക്ഷയ് കുമാർ, ചിരഞ്ജീവി അടക്കമുള്ള താരങ്ങൾ പങ്കെടുക്കുന്നുണ്ട്.രജനികാന്ത്, ചിരഞ്ജീവി, ഹേമമാലിനി, അക്ഷയ് കുമാര്‍, മിഥുന്‍ ചക്രബര്‍ത്തി എന്നിവര്‍ക്കൊപ്പം നില്‍ക്കുന്ന ചിത്രം മോഹന്‍ലാല്‍ പങ്കുവച്ചിട്ടുണ്ട്. വേവ് സമ്മിറ്റില്‍ പങ്കെടുക്കവെയാണ് ഈ ചിത്രം എടുത്തത്. 

സ്‌നേഹപൂര്‍വ്വം മോഹന്‍ലാല്‍മോഹൻലാലിന്റെ ഫെയ്സ്ബുക്ക് കുറിപ്പ് ചിത്രത്തിന്റെ സംവിധായകൻ കൂടിയായ പൃഥ്വിരാജ് സുകുമാരനും പങ്കുവെച്ചിട്ടുണ്ട്.  മോഹൻലാൽ സാധാരണ സുഹൃത്തുക്കളെ തള്ളി പറയുന്ന ഒരാളല്ല.കാരണം അദ്ദേഹം സൗഹ്യദങ്ങൾക്ക് വലിയ വില കൽപ്പിക്കുന്നു. എന്നാൽ എമ്പുരാൻ വിവാദത്തിൽ തന്റെ തടി രക്ഷിക്കാൻ മോഹൻലാലിന് കൂടെ നിൽക്കുന്ന വരെയെല്ലാം തള്ളി പറഞ്ഞേ മതിയാകൂ. ഗുജറാത്ത് കലാപം നരേന്ദ്ര മോദിയുടെയും അമിത് ഷായുടെയും ഹൃദയത്തിനേറ്റ മുറിവാണ്. അതിനെ തൊട്ടുകളിച്ചാൽ ബി ജെ പി ആരെയും വെറുതെ വിടില്ല. അത് നന്നായി മനസിലാക്കിയ വ്യക്തിയാണ് മോഹൻലാൽ,സിനിമയുടെ റീ സെൻസറിംഗിന് പൃഥ്വിരാജ് തയ്യാറായില്ലെന്നും എന്നാൽ ലാലിന്റെ സമ്മർദ്ദം ഉണ്ടായെന്നും വാർത്തകളുണ്ടായിരുന്നു. തന്റെ സിനിമയ്ക്ക് പ്രതൃക്ഷമായോ പരോക്ഷമായോ യാതൊരു കുഴപ്പവുമില്ലെന്ന ചിന്തയിലായിരുന്നു പൃഥ്വിരാജ്.

എന്നാൽ സംഘപരിവാർ ഹാൻഡിലുകളിൽ നിന്നും വന്ന വിമർശനങ്ങൾ കാരണം ലാൽ റീ സെൻസറിംഗിന് ശ്രമിച്ചു എന്നാണ് വാർത്തകൾ.അതേ സമയം എമ്പുരാന്‍ വിവാദത്തില്‍ കേന്ദ്ര ഏജന്‍സികളുടെ സമ്മര്‍ദം മോഹന്‍ലാലിനുമേല്‍ ഉണ്ടായിട്ടുണ്ടെന്ന് കോണ്‍ഗ്രസ് നേതാക്കൾ   പറഞ്ഞു . എമ്പുരാന്‍ വിവാദത്തില്‍ മോഹന്‍ലാല്‍ ഖേദം പ്രകടിപ്പിച്ചതിന് പിന്നാലെയായിരുന്നു പ്രതികരണം. എമ്പുരാന്‍ സിനിമയ്ക്ക് വേണ്ടി പണംമുടക്കിയവരുടെ നേരേ കേന്ദ്രഏജന്‍സികളുടെ ഭാഗത്തുനിന്ന് വലിയ ഭീഷണിയുണ്ടായെന്നാണ്  മനസിലാക്കുന്നതെന്നും നേതാക്കൾ  പറഞ്ഞു.മോഹൻലാൽ വലിയ മാനസിക സമ്മർദ്ദം അനുഭവിക്കുന്നതായി വാർത്തകളുണ്ടായിരുന്നു. പ്യഥ്വിരാജിനെ  അദ്ദേഹം തള്ളിപറഞ്ഞതും ഇതുകൊണ്ടാണ്. ഗോകുലം ഗോപാലനും സമ്മർദ്ദത്തിൽ തന്നെയായിരുന്നു.. ബി ജെ പിക്കെതിരായ വിമർശനങ്ങൾ ബിസിനസിനെ ബാധിക്കുമോ എന്ന സംശയം ഗോപാലനും ആന്റണി പെരുമ്പാവൂരിനുമുണ്ട്.

ഇതിൽ രാഹുൽ ഈശ്വർ പറഞ്ഞതാണ് ശരി. എമ്പുരാന്‍ വിവാദങ്ങളില്‍ ഖേദം പ്രകടിപ്പിച്ച് നടന്‍ മോഹന്‍ലാല്‍ പങ്കുവെച്ച കുറിപ്പ് എഴുതിയത് ഏകദേശം ഒരുദിവസം എടുത്താണെന്ന് രാഹുല്‍ ഈശ്വര്‍ പറഞ്ഞു. മോഹന്‍ലാലിന്റെ അടുത്ത വൃത്തങ്ങളെ ഉദ്ധരിച്ചാണ് രാഹുലിന്റെ അവകാശവാദം. മോഹന്‍ലാലിന്റേത് ഏറ്റവും മികച്ച നിലപാടാണെന്നും രാഹുല്‍ ഈശ്വര്‍ പറഞ്ഞു.'ഏകദേശം ഒരു ദിവസം എടുത്താണ് ഈ പോസ്റ്റ് എഴുതിയത് എന്നാണ് ലാലേട്ടനുമായി ബന്ധപ്പെട്ട കേന്ദ്രങ്ങള്‍ പറയുന്നത്. വളരെ ആലോചിച്ച്, എല്ലാത്തിനും ഉത്തരവാദിത്വം ഏറ്റെടുത്ത്, പൃഥ്വിരാജിനെ ഒരുകാരണവശാലും കുറ്റം പറയാതെ, പൃഥ്വിരാജിനെ തള്ളിപ്പറയാതെ ഖേദമുണ്ടെന്ന് പറയുകയും ചെയ്തു. എന്നാലത് മാപ്പാകാതിരിക്കുകയും ചെയ്യുന്ന, പ്രിയ്യപ്പെട്ടവരേയെന്ന് എല്ലാവരേയും അഭിസംബോധന ചെയ്തുകൊണ്ട് പോസിറ്റീവായി വരുന്ന രീതിയിലാണ് പ്രതികരണം. ലാലേട്ടന്‍ ഇതല്ലാതെ എന്താണ് ചെയ്യേണ്ടത്?

ഏറ്റവും മികച്ച നിലപാടാണ് മോഹന്‍ലാലിന്റേത്. നിലപാടിനെ എത്ര അഭിനന്ദിച്ചാലും മതിയാവില്ല. തീവ്രതയുള്ളവര്‍ എന്ത് നിലപാട് എടുത്താലും പരസ്പരം ഫൈറ്റ് ചെയ്യും', രാഹുൽ ഈശ്വർ പറഞ്ഞു.'മാപ്പു പറയുകയല്ല, ഖേദപ്രകടനം നടത്തുകയാണ് മോഹന്‍ലാല്‍ ചെയ്തത്. ഇനിയൊരു വിവാദത്തിന് സ്‌കോപ്പില്ല. മോഹന്‍ലാല്‍, എല്ലാവരേയും സ്വീകരിക്കുന്ന രീതിയില്‍ സന്തുലിതമായ നിലപാടെടുത്തു. ആരേയും വിഷമിപ്പിക്കാത്ത രീതിയില്‍ അദ്ദേഹമത് മുന്നോട്ടുവെക്കുകയും ചെയ്തു. എല്ലാവര്‍ക്കും യോജിപ്പുള്ള, ആര്‍ക്കും വിയോജിപ്പില്ലാത്ത നിലപാടിലേക്ക് മോഹന്‍ലാലിന് നമ്മളെ എത്തിക്കാന്‍ കഴിഞ്ഞു. പൃഥ്വിരാജ് അടക്കം ഇത് ഷെയര്‍ ചെയ്തു. ഇനിയും അതില്‍ പ്രകോപിതരാവേണ്ട കാര്യമില്ല. തീവ്രഹിന്ദുത്വവാദികളും തീവ്രഇസ്ലാമിസ്റ്റുകളും തീവ്രഇടതുപക്ഷക്കാരും ലാലേട്ടന്‍ എന്ത് ചെയ്താലും ഹാപ്പിയാവില്ല. തീവ്രഹിന്ദുത്വവാദികളും തീവ്രഇസ്ലാമിസ്റ്റുകളും എന്തെങ്കിലും കാരണമുണ്ടാക്കി പരസ്പരം ആക്രമിക്കുമ്പോള്‍, അതിനിടയില്‍ നില്‍ക്കുന്നവരേയും ആക്രമിക്കും', രാഹുല്‍ അഭിപ്രായപ്പെട്ടു.

അതേസമയം രാജാവിനെക്കാൾ രാജഭക്തി കാണിച്ചയാൾ മുഖ്യ മന്ത്രി പിണറായി വിജയനാണ്.മോഹൻലാൽ ബി ജെ പിക്കാർക്ക്അനഭിമതനായെന്ന് മനസിലാക്കിയതോടെ പിണറായി മോഹൻലാലിനൊപ്പം ശബരിമല ദർശനത്തിന് പോയ തിരുവല്ല സിഐ സുനിൽകൃഷ്ണന് കാരണം കാണിക്കൽ നോട്ടീസ് നൽകി. ശബരിമല ദർശനത്തിന് മാത്രമാണ് അനുമതി നൽകിയത്. താരത്തിന്റെ സുരക്ഷ സ്വയം ഏറ്റെടുത്ത് പോയത് വീഴ്ചയാണെന്ന് കാട്ടിയാണ് നോട്ടീസ് നൽകിയിരിക്കുന്നത്. എന്നാൽ 10 ദിവസമായിട്ടും ഉദ്യോഗസ്ഥൻ വിശദീകരണം നൽകിയിട്ടില്ല. തുടർനടപടി എസ്പി തീരുമാനിക്കുമെന്ന് മെമ്മോ നൽകിയ തിരുവല്ല ഡിവൈഎസ്പി പറഞ്ഞു. മാർച്ച് 18 നായിരുന്നു മോഹൻലാലിന്റെ ശബരിമല ദർശനം. ഫെബ്രുവരി അവസാനം പത്തനംതിട്ട സൈബർ സ്റ്റേഷനിലേക്ക് സ്ഥലംമാറ്റം കിട്ടിയ ഉദ്യോഗസ്ഥൻ ആയിരുന്നു സുനിൽ കൃഷ്ണൻ. ഇത് താൻടാ പിണറായി. എമ്പുരാൻ കണ്ട ശേഷം പിണറായി പ്രതികരിക്കാത്തതും ഇതിന്റെ ഭാഗം തന്നെയാണ്.

ഇതിന് പിന്നാലെയാണ് പിണറായി ആനക്കൊമ്പിൽ ലാലിനെ കുടുക്കാൻ ശ്രമിച്ചത്. വിഴിഞ്ഞം വാർത്താ സമ്മേളനത്തിൽ ഇക്കാര്യം മുഖ്യമന്ത്രിയോട് ചോദിച്ചെങ്കിലും അദ്ദേഹം ഒഴിഞ്ഞുമാറി. കൃത്യമായ ഉദ്ദേശ്യമാണ് മുഖ്യമന്ത്രിക്കുള്ളത്. എമ്പുരാനെ തുടർന്ന് മോഹൻലാൽ മാപ്പു പറഞ്ഞതാണ് സി പി എമ്മിനെ പ്രകോപിപ്പിച്ചത്. ഒരിക്കലും സി പി എം അത് പ്രതീക്ഷിച്ചില്ല. അതിനുള്ള അടിയാണ് ലാലിന് കിട്ടിയത്.സി പി എം വാർത്താ  കേന്ദ്രങ്ങളിൽ നിന്നാണ് വേടൻ സംഭവത്തെ തുടർന്ന് ആനക്കൊമ്പ് വാർത്തയും ചോർന്നത്. വേടനെ രക്ഷിക്കാനുള്ള തീരുമാനം സി.പി.എമ്മിന്റേതായിരുന്നു,  ഇതിൽ ജാതി കാണിക്കാൻ വേണ്ടിയാണ് മോഹൻലാലിനെ കൂടി വാർത്തയിൽ കൊണ്ടു വന്നത്.മോഹൻലാൽ ബി ജെ പിയുമായി രമ്യതയിലായി എന്ന് മനസിലാക്കിയാണ് പുതിയ നീക്കങ്ങൾ ആരംഭിച്ചത്.