ഇ-പാസ് സംവിധാനത്തില് മാറ്റം...നീലഗിരി അതിര്ത്തികടന്നുള്ള യാത്രയില് നിയന്ത്രണം ഭാഗികമായി
അതിര്ത്തി കടക്കാനുള്ള ഇ-പാസ് സംവിധാനത്തില് മാറ്റം വരുത്തിയതോടെ നീലഗിരി അതിര്ത്തികടന്നുള്ള യാത്രയില് നിയന്ത്രണം ഭാഗികമായി. മേല്ഗൂഡല്ലൂര്, മസിനഗുഡി, കുഞ്ചപ്പന, കള്ളാര് ചെക്കുപോസ്റ്റുകളില് മാത്രമായി ഇ-പാസ് പരിമിതപ്പെടുത്തി.
ഊട്ടിഭാഗത്തേക്ക് കടക്കാനായി ഇ-പാസ് വേണം. മലപ്പുറം, വയനാട് ജില്ലകളിലുള്ളവര്ക്ക് ഗൂഡല്ലൂര്, പന്തല്ലൂര് താലൂക്കുകളിലേക്കും ഗൂഡല്ലൂര് വഴി കര്ണാടകത്തിലേക്കും പോകാനായി ഇനി മുതല് ഇ-പാസ് പരിശോധനയുണ്ടാവില്ല. നാടുകാണി, താളൂര്, ചോളാടി, പാട്ടവയല്, കാക്കനല്ല, കോട്ടൂര്, കക്കുണ്ടി, പൂളക്കുണ്ട്, നമ്പ്യാര്ക്കുന്ന് ഭാഗങ്ങളിലെ ചെക്ക് പോസ്റ്റുകളില് ഇ-പാസ് പരിശോധന ഒഴിവാക്കിയിട്ടുണ്ട്.
ഒരുവര്ഷത്തിലധികമായി ഇ-പാസ് സംവിധാനത്തെ തുടര്ന്ന് ഗൂഡല്ലൂര്, പന്തല്ലൂര് താലൂക്കുകളിലേയ്ക്ക് കടക്കാന് കേരളത്തിന്റെ അതിര്ത്തിപ്രദേശങ്ങളില് നിന്നുള്ളവര്ക്ക് ഏറെ ബുദ്ധിമുട്ട് നേരിട്ടിട്ടുണ്ടായിരുന്നു.
2024 ഏപ്രില് ഒന്നുമുതല് നടപ്പിലാക്കിയ ഇ-പാസ് പരിഷ്കാരത്തോടെയുണ്ടായ ഈ പ്രയാസം അവസാനിപ്പിക്കണമെന്ന ആവശ്യമുയര്ന്നിരുന്നു. ജനങ്ങളുടെ നിരന്തരമായ പരാതിയെത്തുടര്ന്ന് നീലഗിരി ജില്ലാഭരണകൂടം മദ്രാസ് ഹൈക്കോടതിയുടെ ശ്രദ്ധയില്പ്പെടുത്തിയതോടെയാണ് ഇപ്പോള് ഇ-പാസ് പരിശോധന പരിമിതപ്പെടുത്തിയത്.
നാടുകാണി ചെക്ക് പോസ്റ്റില് പരിശോധനയേര്പ്പെടുത്തി. കഴിഞ്ഞ ഏപ്രില് ഒന്നുമുതല് നീലഗിരിയിലെത്താവുന്ന വാഹനങ്ങളുടെ എണ്ണം കൂടി മദ്രാസ് ഹൈക്കോടതി പരിമിതപ്പെടുത്തിയതോടെ ചെക്ക് പോസ്റ്റുകളില് നിന്നും വാഹനങ്ങള് പോലീസ് തടഞ്ഞിരുന്നു. ഊട്ടിയിലേയ്ക്കുള്ള വാഹനങ്ങളുടെ എണ്ണ ക്രമീകരണത്തിലും ഇ-പാസ് സംവിധാനവും അതേപടി നില്ക്കുുന്നതാണ്.
https://www.facebook.com/Malayalivartha
