വിദ്യാര്‍ഥിയെ മര്‍ദിച്ച കേസ്; നെഹ്‌റു ഗ്രൂപ്പ് കോളജ് ചെയര്‍മാന്‍ പി.കൃഷ്ണദാസിന്റെ ജാമ്യ അപേക്ഷ തള്ളി
ലക്കിടി നെഹ്‌റു ലോ കോളജിലെ വിദ്യാര്‍ഥി ഷഹീര്‍ ഷൗക്കത്തലിയെ മര്‍ദിച്ച കേസില്‍ നെഹ്‌റു ഗ്രൂപ്പ് ചെയര്‍മാന്‍ പി. കൃഷ്ണദാസ് ഉള്‍പ്പെടെ മൂന്നുേപര്‍ക്ക് ജാമ്യമില്ല. അപേക്ഷ വടക്കാഞ്ചേരി മജിസ്‌ട്രേട്ട് കോടതി തള്ളി. വിദ്യാര്‍ഥിയെ മര്‍ദിച്ച കേസില്‍ വിയ്യൂര്‍ ജയിലില്‍ കഴിയുകയാണ് കൃഷ്ണദാസ്.
അഞ്ചുപേരെയാണ് കേസില്‍ അറസ്റ്റ് ചെയ്തത്. ഇതില്‍, പാമ്പാടി നെഹ്‌റു കോളജ് പിആര്‍ഒ വല്‍സലകുമാരന്‍, കായിക അധ്യാപകന്‍ ഗോവിന്ദന്‍കുട്ടി, എന്നിവര്‍ക്കും ജാമ്യം അനുവദിച്ചില്ല. എന്നാല്‍ അഡ്മിനിസ്‌ട്രേറ്റിവ് മാനേജര്‍ സുകുമാരന് ജാമ്യം ലഭിച്ചു.
റിമാന്‍ഡില്‍ കഴിയുന്ന അഞ്ചു പ്രതികളില്‍ ഒരാള്‍ക്ക് ചൊവ്വാഴ്ച വടക്കാഞ്ചേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേട്ട് കോടതി ഉപാധികളോടെ ജാമ്യം അനുവദിച്ചിരുന്നു. കേസിലെ മൂന്നാം പ്രതിയും നെഹ്‌റു ഗ്രൂപ്പിന്റെ നിയമോപദേശകയുമായ സുചിത്രയ്ക്കാണു ജാമ്യം അനുവദിച്ചത്.
https://www.facebook.com/Malayalivartha
