തിക്​റിതിലെയും മൊസൂളിലെയുമെല്ലാം പേടിപ്പിക്കുന്ന ദിനരാത്രങ്ങൾക്കൊടുവിൽ 45 നഴ്​സുമാരടങ്ങുന്ന സംഘം ജീവിതത്തിലേക്ക്​ പറന്നുയർന്നത്​ ഇപ്പോഴും അവിശ്വസനീയതയോടെയാണ്​ നാം ഒാർക്കുന്നത്. ടേക് ഓഫ് എന്ന സിനിമ നമുക് ആ കഥ പറഞ്ഞു തന്നപ്പോൾ കണ്ടിരുന്നവർക്ക് അത് ഭയം ഉളവാക്കുന്ന ഒന്ന് തന്നെയായിരുന്നു. ആ നിമിഷങ്ങൾ നേരിട്ട് അനുഭവിച്ച് അറിഞ്ഞ മെറീനാ ജോസ് എന്ന ന‍ഴ്സിനു ആ നിമിഷങ്ങൾ ഇന്നും മനസിനെ ഞെട്ടിപ്പിക്കുന്ന ഒന്നുതന്നെയാണ്. 

സിനിമയിൽ കണ്ടതിനെക്കാൾ കടു​പ്പമേറിയതാണ് ജീവിതത്തിൽ അനുഭവിച്ചതെന്ന് ന‍ഴ്സ് മെറീനാ ജോസ്. ലോക കേരള സഭയുടെ വേദിയില്‍ പ്രവാസ ജീവിതത്തിന്‍റെ നൊമ്പരപ്പെടുത്തുന്ന ഓര്‍മകളുമായാണ് ടേക്​ ഒാഫ്​ എന്ന സിനിമക്ക്​ ജീവിതം കൊണ്ട്​ ഇതിവൃത്തമായ മാറിയ മെറീന എത്തിയത്. ആ കറുത്ത ദിനങ്ങളെക്കുറിച്ചുള്ള ഒാർമ്മകൾ പങ്കുവെക്കു​മ്പോൾ ഇപ്പോഴും ​മെറീനാ ജോസിന്​ ഞെട്ടലാണ്​. സിനിമയിൽ കണ്ടതിനെക്കാൾ കടു​പ്പമേറിയതാണ് ജീവിതത്തിൽ അനുഭവിച്ചതെന്ന് മെറീനാ പറയുന്നു.

ഒപ്പമുണ്ടായിരുന്നവർ ചേർന്ന്​ നേരത്തെ കൂട്ടായ്​മയൊക്കെയുണ്ടായിരുന്നു. എന്നാൽ അവരിൽ പലരെക്കുറിച്ചും ഇപ്പോൾ വിവരമൊന്നുമില്ല. ​പ്രവാസമവസാനിപ്പിച്ച്​ ഇറാഖില്‍ നിന്ന് മടങ്ങിയ ശേഷം കഴിഞ്ഞ മൂന്നു വര്‍ഷമായി ജോലിയില്ലാതെ അവസ്ഥയിലാണ് മെറീന. ലോകകേരള സഭ തന്നെപ്പോലെയുള്ള നിരവധിപ്പേര്‍ക്ക് കൈത്താങ്ങാകുമെന്നാണ് മെറീനയുടെ പ്രതീക്ഷ.

തിക്രിതിൽ 21 ദിവസമാണ്​ മെറിൻ അടക്കമുള്ള 45 അംഗ സംഘം അപകടകരമായ സാഹചര്യത്തിൽ ​ജോലിയെടുത്തത്​. തുടർന്ന്​ ​ഐ.എസ്​ സേനക്കൊപ്പം ജീവൻ പണയം വെച്ച്​ സാഹസികമായ 24 മണിക്കൂർ യാത്ര ചെയ്​താണ്​ ​ഇവർ പുറത്തേക്കെത്തുന്നത്​.