ഓഖി ദുരന്ത പ്രദേശത്ത് പോകാന് ആദ്യം മടിച്ച മുഖ്യമന്ത്രി ഗോകുലം ഗോപാലന്റെ അച്ഛന് മരിച്ചയുടനെ കുടുംബസമേതം പോയി ആശ്വസിപ്പിച്ചു; വരാപ്പുഴയില് ശ്രീജിത്തിനെ പൊലീസ് ക്രൂരമായി കൊലപ്പെടുത്തിയിട്ടും തിരിഞ്ഞ് നോക്കാതെ മുഖ്യമന്ത്രി അന്തരിച്ച പത്രമുതലാളിയുടെ കുടുംബത്തെ ആശ്വസിപ്പിക്കാന് സമയം കണ്ടെത്തി
ഓഖി ദുരിതമുണ്ടായി നൂറിലധികം പേര് മരിച്ചിട്ടും ജിഷ്ണു പ്രണോയിയെ നെഹ്റുകോളജില് മര്ദ്ദിച്ച് കൊന്നിട്ടും വരാപ്പുഴയില് ശ്രീജിത്ത് എന്ന നിരപരാധിയെ പൊലീസ് കസ്റ്റഡിയില് കൊലപ്പെടുത്തിയിട്ടും അവിടങ്ങളില് സന്ദര്ശിക്കാനോ, കൊല്ലപ്പെട്ടവരുടെ ബന്ധുക്കളയോ ആശ്വസിപ്പിക്കാന് മുഖ്യമന്ത്രി പിണറായി വിജയന് തയ്യാറാകുന്നില്ല. ജനരോക്ഷത്തിനൊടുവിലാണ് ഓഖി ദുരിതബാധിത പ്രദേശത്ത് മുഖ്യമന്ത്രി പോയത്. അന്ന് ജനങ്ങളുടെ പ്രതിഷേധം കാരണം സ്വന്തം വാഹനം ഉപേക്ഷിച്ച് മറ്റൊരു വാഹനത്തില് അദ്ദേഹത്തിന് രക്ഷപെടേണ്ടിവന്നു. ആ സമയത്താണ് പ്രമുഖ ചിട്ടിമുതലാളി ഗോകുലം ഗോപാലന്റെ പിതാവ് മരണപ്പെട്ടത്. മുഖ്യമന്ത്രി ഭാര്യ കമലയുമൊത്ത് ഗോകുലം ഗോപാലന്റെ വസതിയിലെത്തി അദ്ദേഹത്തെ ആശ്വസിപ്പിച്ചു. അതിന് ശേഷമാണ് ഓഖി ദുരിതബാധിതരെ സന്ദര്ശിച്ചത്.
സി.പി.എം കുടുംബാംഗവും എസ്.എഫ്.ഐയുടെ സജീവപ്രവര്ത്തകനുമായിരുന്ന ജിഷ്ണു പ്രണോയിയുടെ വീട് മുഖ്യമന്ത്രി സന്ദര്ശിക്കണമെന്ന് പൊതുസമൂഹത്തില് നിന്നും പാര്ട്ടി പ്രവര്ത്തകരില് നിന്നും ആവര്ത്തിച്ചുണ്ടായിട്ടും പിണറായി വിജയന് അതിന് തയ്യാറായില്ല. അന്വേഷണം കാര്യക്ഷമമാകാത്തതിനെ തുടര്ന്ന് ജിഷ്ണു പ്രണോയിയുടെ അമ്മ മഹിജയും ബന്ധുക്കളും ഡി.ജി.പി ഓഫീസ് മാര്ച്ച് നടത്തിയപ്പോള് അവരെ പൊലീസ് ക്രൂരമായി മര്ദ്ദിച്ചു. അതിനെ അപലപിക്കാന് പോലും മുഖ്യമന്ത്രി തയ്യാറായില്ല. വരാപ്പുഴ കസ്റ്റഡി മരണം നടന്ന ദിവസങ്ങളില് അതേക്കുറിച്ച് പ്രതികരിക്കാന് പോലും മുഖ്യമന്ത്രി തയ്യാറായില്ല. മാത്രമല്ല പൊലീസുകാരെ സഹായിക്കുന്ന നിലപാടാണ് പ്രദേശത്തെ ചില പാര്ട്ടി പ്രവര്ത്തകര് സ്വീകരിച്ചത്.
പാര്ട്ടി കോണ്ഗ്രസിന് ഹൈദരാബാദില് പോയ മുഖ്യമന്ത്രി അവിടുത്തെ പൊലീസ് സ്റ്റേഷന് സന്ദര്ശിച്ച് മാധ്യമശ്രദ്ധ നേടിയിരുന്നു. ആ സമയത്തും വരാപ്പുഴ കസ്റ്റഡിമരണത്തെ കുറിച്ച് പ്രതികരിക്കാന് തയ്യാറായില്ല. ഇന്ന് മന്ത്രിസഭാ യോഗത്തിന് ശേഷമുള്ള വാര്ത്താസമ്മേളനത്തിലാണ് പൊലീസുകാര്ക്കെതിരെ പ്രതികരിക്കാനും കസ്റ്റഡിമരണത്തെ അപലപിക്കാനും തയ്യാറായത്. എന്നിട്ടും ശ്രീജിത്തിന്റെ വീട് സന്ദര്ശിക്കാന് തയ്യാറായില്ല.
കഴിഞ്ഞ ദിവസം അന്തരിച്ച, കേരളകൗമുദി ചീഫ് എഡിറ്റര് എം.എസ് രവിയുടെ വസതിയിലെത്തി അദ്ദേഹത്തിന്റെ കുടുംബാംഗങ്ങളെ ആശ്വസിപ്പിക്കാന് ഭാര്യ കമലയെയും കൂട്ടി മുഖ്യമന്ത്രി പോയി. സാധാരണക്കാര് ക്രൂരമായി കൊല്ലപ്പെടുമ്പോള് അവിടെ തിരിഞ്ഞ് നോക്കാതെ മുതലാളിമാരുടെ വീട്ടുകാരെ ആശ്വസിപ്പിക്കാനിറങ്ങുന്ന മുഖ്യമന്ത്രിയുടെ നിലപാടിനെതിരെ പാര്ട്ടി പ്രവര്ത്തകര്ക്കിടിയല് തന്നെ പ്രതിഷേധം ഉയര്ന്നിട്ടുണ്ട്.
https://www.facebook.com/Malayalivartha
