ഐഎസ്ആർഒ പിഎസ്എൽവി- സി 49 വിക്ഷേപിച്ചു. പ്രതികൂല കാലാസവസ്ഥക്കിടെയാണ് റോക്കറ്റിന്റെ വിക്ഷേപണം ശ്രീഹരിക്കോട്ടയിലെ ​സ​തീ​ഷ് ധ​വാ​ൻ സ്പേ​സ് സെ​ൻ​റ​റി​ൽ​ നടന്നത്. വിക്ഷേപണത്തിന്റെ ആദ്യ ഘട്ടം വിജയകരമായെന്ന് ഇസ്രോ വ്യക്തമാക്കി.

ക​ന​ത്ത​മ​ഴ​യെ തു​ട​ർന്ന് വിക്ഷേപണത്തിന് 15 മിനിറ്റ് ബാക്കി നിൽക്കെ കൗ​ണ്ട്ഡൗ​ൺ അ​ഞ്ചു മി​നി​റ്റു നേ​ര​ത്തേ​ക്ക് നി​ർ​ത്തിയിരുന്നു . ഇതിന് ശേഷമായിരുന്നു വിക്ഷേപണം. ഈ വർഷത്തെ ഇസ്രോയുടെ ആദ്യ ദൗത്യം കൂടിയായിരുന്നു പിഎസ്എൽവി- സി 49ന്റെ വിക്ഷേപണം.

ഭൗ​മ​നി​രീ​ക്ഷ​ണ ഉ​പ​ഗ്ര​ഹമായ ഇ​ഒ​എ​സ്-01അടക്കം പത്ത് ഉപ​ഗ്രഹങ്ങളാണ് പിഎസ്എൽവി ഭ്രമണപഥത്തിൽ എത്തിക്കുന്നത്. ഇ​ഒ​എ​സ്-01​നൊ​പ്പം വി​ദേ​ശ​ രാ​ജ്യ​ങ്ങ​ളു​ടെ ഒ​ൻ​പ​ത് ഉ​പ​ഗ്ര​ഹ​ങ്ങ​ളും പി​എ​സ്എ​ൽ​വി-​സി49 റോ​ക്ക​റ്റ് ഭ്ര​മ​ണ​പ​ഥ​ത്തി​ൽ എ​ത്തി​ക്കും. വി​ക്ഷേ​പ​ണ​ത്തി​നാ​യു​ള്ള കൗ​ണ്ട്ഡൗ​ൺ വെ​ള്ളി​യാ​ഴ്ച ഉ​ച്ചയ്ക്ക് 1.02ന് ​ആ​രം​ഭി​ച്ചിരുന്നു.

പി​സ്എ​ൽ​വി​യു​ടെ 51-ാം ദൗ​ത്യ​മാ​ണ് ഇ​ത്. കൃ​ഷി, വ​ന​വ​ത്ക​ര​ണം, ദു​ര​ന്ത​നി​വാ​ര​ണം എ​ന്നീ മേ​ഖ​ല​ക​ൾ​ക്ക് ഇ​ഒ​എ​സ്-01 പ്ര​യോ​ജ​ന​പ്പെ​ടു​മെ​ന്നും ഇ​സ്രോ അ​റി​യി​ച്ചു.