2026-ലെ നീറ്റ് യുജി പരീക്ഷയുടെ അഡ്മിറ്റ് കാർഡുകൾ ഏപ്രിൽ 27, ഇന്ന് രാവിലെയോടെ പ്രസിദ്ധീകരിക്കുമെന്ന് നാഷണൽ ടെസ്റ്റിങ് ഏജൻസി അറിയിച്ചു. ഏപ്രിൽ 26-ന് റിലീസ് ചെയ്യേണ്ടിയിരുന്ന ഹാൾ ടിക്കറ്റുകളാണ് ഒരു ദിവസം വൈകി പുറത്തിറങ്ങുന്നത്.

പരീക്ഷാർത്ഥികൾക്ക് neet.nta.nic.in എന്ന ഔദ്യോഗിക വെബ്സൈറ്റ് വഴി അഡ്മിറ്റ് കാർഡുകൾ ഡൗൺലോഡ് ചെയ്യാവുന്നതാണ്.

അഡ്മിറ്റ് കാർഡ് ലഭ്യമാകുന്ന സമയം: ഏപ്രിൽ 27, ഇന്ന് രാവിലെ 10 മണി മുതൽ. പരീക്ഷാ തീയതി: മെയ് 3, 2026.
പരീക്ഷാ സമയം: ഉച്ചയ്ക്ക് 2 മണി മുതൽ വൈകുന്നേരം 5 മണി വരെ (3 മണിക്കൂർ).

അഡ്മിറ്റ് കാർഡ് ഡൗൺലോഡ് ചെയ്യേണ്ട രീതി: ഔദ്യോഗിക വെബ്സൈറ്റായ neet.nta.nic.in സന്ദർശിക്കുക.
ഹോം പേജിലെ NEET UG 2026 Admit Card ലിങ്കിൽ ക്ലിക്ക് ചെയ്യുക. ആപ്ലിക്കേഷൻ നമ്പർ, ജനനത്തീയതി അല്ലെങ്കിൽ പാസ്‌വേഡ് എന്നിവ നൽകി ലോഗിൻ ചെയ്യുക.

സ്ക്രീനിൽ തെളിയുന്ന സെക്യൂരിറ്റി പിൻ കൃത്യമായി രേഖപ്പെടുത്തി സബ്മിറ്റ് ചെയ്യുക. അഡ്മിറ്റ് കാർഡ് സ്ക്രീനിൽ ദൃശ്യമാകും. ഇത് ഡൗൺലോഡ് ചെയ്ത് പ്രിന്റ് എടുത്ത് സൂക്ഷിക്കുക.

പ്രത്യേകം ശ്രദ്ധിക്കുക: അഡ്മിറ്റ് കാർഡിൽ എന്തെങ്കിലും തരത്തിലുള്ള തെറ്റുകൾ ശ്രദ്ധയിൽപ്പെട്ടാൽ രാവിലെ 10 മണി മുതൽ വൈകുന്നേരം 5 മണി വരെയുള്ള സമയത്തിനുള്ളിൽ എൻ.ടി.എ ഹെൽപ്പ് ലൈനുമായി ബന്ധപ്പെടേണ്ടതാണ്. പരീക്ഷാ കേന്ദ്രത്തിൽ പ്രവേശിക്കുന്നതിന് അഡ്മിറ്റ് കാർഡ് നിർബന്ധമാണ്.

പരീക്ഷാ രീതി
ഫിസിക്സ്, കെമിസ്ട്രി, ബയോളജി (ബോട്ടണി & സുവോളജി) എന്നീ വിഷയങ്ങളിൽ നിന്നായി ആകെ 180 ചോദ്യങ്ങളാണുള്ളത്.
ഫിസിക്സ്: 45 ചോദ്യങ്ങൾ
കെമിസ്ട്രി: 45 ചോദ്യങ്ങൾ
ബയോളജി: 90 ചോദ്യങ്ങൾ
മാർക്ക് രീതി: ഓരോ ശരിയുത്തരത്തിനും 4 മാർക്ക് ലഭിക്കും. തെറ്റായ ഓരോ ഉത്തരത്തിനും 1 മാർക്ക് വീതം കുറയ്ക്കും. പരീക്ഷ എഴുതാത്ത ചോദ്യങ്ങൾക്ക് മാർക്ക് നഷ്ടപ്പെടില്ല.

ശ്രദ്ധിക്കുക: ഭിന്നശേഷി വിഭാഗത്തിൽപ്പെട്ട (PwD) അർഹരായ ഉദ്യോഗാർത്ഥികൾക്ക് ഒരു മണിക്കൂർ അധിക സമയം ലഭിക്കും.