പത്തനാപുരം നിയോജക മണ്ഡലത്തിലെ എൽ. ഡി.എഫ് സ്ഥാനാർത്ഥി ഗണേഷ്കുമാറിനെതിരെ ആഞ്ഞടിച്ച് ഷാഫി പറമ്പിൽ എം.പി. മുൻ മുഖ്യമന്ത്രി ഉമ്മൻ ചാണ്ടിയെ വേട്ടയാടിയവർക്കെതിരെയുള്ള രാഷ്ട്രീയ പോരാട്ടമാണ് പത്തനാപുരത്ത് നടക്കുന്നതെന്ന് ഷാഫി പറമ്പിൽ .

പത്തനാപുരം നിയോജക മണ്ഡലത്തിലെ യു.ഡി.എഫ് സ്ഥാനാർത്ഥി ജ്യോതികുമാർ ചാമക്കാലയുടെ തിരഞ്ഞെടുപ്പ് റോഡ്‌ഷോയിൽ സംസാരിക്കവെയാണ് അദ്ദേഹം ഇത് പറഞ്ഞത്. പത്തനാപുരത്ത് നടക്കുന്നത് ഉമ്മൻ ചാണ്ടിയുടെ സ്മരണയും അദ്ദേഹത്തെ മരണ ശേഷവും ദ്രോഹിച്ചവരും തമ്മിലെ പോരാട്ടമെന്നും അദ്ദേഹം പറഞ്ഞു.

തന്റെ ജീവിതം ജനങ്ങൾക്കായി മെഴുകുതിരി പോലെ ഉരുക്കിത്തീർത്ത പുണ്യശ്ലോകനായ മനുഷ്യനായിരുന്നു ഉമ്മൻ ചാണ്ടിയെന്ന് ഷാഫി പറമ്പിൽ പറഞ്ഞു . അദ്ദേഹത്തെ ജീവിച്ചിരുന്നപ്പോഴും മരണശേഷവും ദ്രോഹിച്ചവർക്ക് പത്തനാപുരത്തെ ജനങ്ങൾ വോട്ടിലൂടെ മറുപടി നൽകുമെന്നും ഷാഫി പറമ്പിൽ എം.പി പറഞ്ഞു.