ബീഹാര്‍ നിയമസഭാ തെരഞ്ഞെടുപ്പ് ഫലപ്രഖ്യാപനം നാളെ നടക്കും. 38 ജില്ലകളിലായി 55 വോട്ടെണ്ണല്‍ കേന്ദ്രങ്ങളാണു ക്രമീകരിച്ചിട്ടുള്ളത്.. 56.19 ശതമാനം പോളിംഗാണ് മൂന്ന് ഘട്ടങ്ങളിലായി രേഖപ്പെടുത്തിയിരിക്കുന്നത്. ബിഹാറിലെ 243 മണ്ഡലങ്ങളിലേക്ക് മൂന്നു ഘട്ടമായിട്ടാണു വോട്ടെടുപ്പ് നടന്നത്.

ഈസ്റ്റ് ചന്പാരന്‍, ഗയ, സിവാന്‍, ബെഗുസരായി ജില്ലകളില്‍ മൂന്നു വോട്ടെണ്ണല്‍ കേന്ദ്രങ്ങള്‍ വീതമുണ്ട്. മറ്റു ജില്ലകളില്ലെല്ലാം ഒന്നോ രണ്ടോ വോട്ടെണ്ണല്‍ കേന്ദ്രങ്ങളാണുള്ളത്. അതേസമയം എക്‌സിറ്റ് പോള്‍ ഫലങ്ങള്‍ പുറത്ത് വന്നതോടെ ആത്മവിശ്വാസത്തിലാണ് മഹാസഖ്യം. ജനവിധി എന്ത് തന്നെ ആയാലും അംഗീകരിക്കണമെന്ന് ആര്‍.ജെ.ഡി അണികള്‍ക്ക് ആഹ്വനം നല്‍കി. അതിരു കടന്ന ആഹ്ലാദ പ്രകടത്തിലേക്ക് പോകരുതെന്നും എതിര്‍ ചേരിയിലെ പ്രവര്‍ത്തകരോട് മാന്യമായി പെരുമാറണമെന്നും പാര്‍ട്ടി ആവശ്യപ്പെട്ടു.