തർക്കത്തിനൊടുവിൽ...എസി വാങ്ങുന്നതിനെ ചൊല്ലി ഭര്ത്താവുമായുണ്ടായ തര്ക്കത്തിന് പിന്നാലെ ഭാര്യയെ മരിച്ച നിലയില് കണ്ടെത്തി, അസ്വാഭാവിക മരണത്തിന് കേസെടുത്ത് പോലീസ്
എസി വാങ്ങുന്നതിനെ ചൊല്ലി ഭര്ത്താവുമായുണ്ടായ തര്ക്കത്തിന് പിന്നാലെ ഭാര്യയെ മരിച്ച നിലയില് കണ്ടെത്തി. തമിഴ്നാട്ടിലെ തിരുവള്ളൂരില് ആണ് സംഭവം നടന്നത്. പുല്ലാരംപാക്കം സ്വദേശി മോണിക്ക (23) ആണ് മരിച്ചത്. എസി വാങ്ങുന്നതിനെ ചൊല്ലി രാത്രിയില് മോണിക്കയും ഭര്ത്താവ് ആകാശും (26) തമ്മില് തര്ക്കമുണ്ടായി.
ഭര്ത്താവും അച്ഛനമ്മമാരും സഹോദരനും രാത്രി ടെറസിലാണ് ഉറങ്ങിയതെന്നാണ് ആകാശ് പറയുന്നത്. രാവിലെ താഴെ വന്നപ്പോള് മോണിക്കയുടെ മുറി അടഞ്ഞു കിടക്കുകയായിരുന്നുവെന്ന് ആകാശ് പൊലീസിനോട് പറഞ്ഞു. വാതില് പൊളിച്ച് അകത്തു കടന്നപ്പോഴാണ് മോണിക്കയെ ഫാനില് തൂങ്ങിമരിച്ച നിലയില് കണ്ടെത്തിയത്.
ഉടന് തന്നെ വിവരം അറിയിച്ചതനുസരിച്ച് പുല്ലാരമ്പാക്കം പൊലീസ് സ്ഥലത്തെത്തി. മോണിക്കയുടെ മൃതദേഹം പോസ്റ്റ്മോര്ട്ടത്തിനായി സര്ക്കാര് ആശുപത്രിയിലേക്ക് അയച്ചു.
മോണിക്കയുടെ മരണത്തില് സംശയം ഉണ്ടെന്ന് അച്ഛനമ്മമാര് പറഞ്ഞു. അസ്വാഭാവിക മരണത്തിന് കേസെടുത്തിട്ടുണ്ട്. അന്വേഷണം തുടങ്ങിയെന്ന് പൊലീസ്. . ഒരുമിച്ച് പഠിച്ച ഇരുവരും പ്രണയിച്ചാണ് വിവാഹിതരായത്. വസ്ത്രവില്പ്പനശാലയില് ജീവനക്കാരായ ഇരുവരുടെയും വിവാഹം മൂന്ന് വര്ഷം മുമ്പായിരുന്നു.
https://www.facebook.com/Malayalivartha
