ദീപാവലിയോടനുബന്ധിച്ചുള്ള പടക്കവില്‍പന ഡല്‍ഹിയില്‍ നിരോധിച്ചു. ദേശീയ ഹരിത ട്രൈബ്യുണലിന്റേതാണ് നടപടി. ഈ മാസം 30 വരെയാണ് നിരോധനം ഏര്‍പ്പെടുത്തിയിരിക്കുന്നത്. പടക്കങ്ങള്‍ വില്‍ക്കാനും വാങ്ങാനും ഉപയോഗിക്കാനും പാടില്ലെന്ന് ഹരിത ട്രൈബ്യുണല്‍ അറിയിച്ചു.

നേരത്തേ, രാജസ്ഥാനും ഹരിയാനയും ഉള്‍പ്പെടെയുള്ള സംസ്ഥാനങ്ങളും പടക്കം ഉപയോഗിക്കുന്നത് നിരോധിച്ച് ഉത്തരവിറക്കിയിരുന്നു. കോവിഡ് മഹാമാരിയും വായുമലിനീകരണവും കണക്കിലെടുത്താണ് പടക്കവില്പന നിരോധിച്ചത്.