കോണ്‍ഗ്രസ് ലോക്സഭാ കക്ഷി നേതാവായി അധീര്‍ രഞ്ജന്‍ ചൗധരി തുടർന്നേക്കും; അധിര്‍ രഞ്ജനെ ഇപ്പോള്‍ മാറ്റുന്നത് തെറ്റായ സന്ദേശം നല്‍കുമെന്ന് ഒരു വിഭാഗം നേതാക്കള്‍
കോണ്‍ഗ്രസ് ലോക്സഭാ കക്ഷി നേതാവ് സ്ഥാനത്തുനിന്ന് അധീര്‍ രഞ്ജന്‍ ചൗധരിയെ മാറ്റാന്‍ സാധ്യതയില്ല. അധിര്‍ രഞ്ജനെ ഇപ്പോള്‍ മാറ്റുന്നത് തെറ്റായ സന്ദേശം നല്‍കുമെന്ന് കോണ്‍ഗ്രസ് പാര്‍ലമെന്‍ററി നയരൂപീകരണ സമിതി യോഗത്തില്‍ ഒരു വിഭാഗം നേതാക്കള്‍ വാദിച്ചു.
തൃണമൂല്‍ കോണ്‍ഗ്രസുമായുള്ള സഹകരണത്തിന് അധിര്‍ രഞ്ജനെ ഒഴിവാക്കിയാല്‍ ബംഗാളില്‍ വലിയ തിരിച്ചടിയുണ്ടാകുമെന്നും നേതാക്കള്‍ ചൂണ്ടിക്കാട്ടി. വിലക്കയറ്റം, ഇന്ധന വിലവര്‍ധന, കാര്‍ഷിക നിയമങ്ങളടക്കമുള്ള വിഷയങ്ങള്‍ വര്‍ഷകാല സമ്മേളനത്തില്‍ ഉന്നയിക്കാന്‍ നയരൂപീകരണ സമിതി തീരുമാനിച്ചു.
ഒരാള്‍ക്ക് ഒരു പദവിയെന്നതിന്റെ അടിസ്ഥാനത്തില്‍ അധീര്‍ രഞ്ജന്‍ ചൗധരിയെ സ്ഥാനത്തുനിന്ന് മാറ്റുമെന്നു നേരത്തേ ചില നേതാക്കള്‍ നിലപാടെടുത്തിരുന്നു. നിലവില്‍ ബംഗാളിലെ കോണ്‍ഗ്രസ് അധ്യക്ഷന്‍ കൂടിയാണ് അധീര്‍ രഞ്ജന്‍ ചൗധരി.
ശശി തരൂര്‍, മനീഷ് തിവാരി, ഗൗരവ് ഗൊഗോയ്, രണ്‍വീത് ബിട്ടു തുടങ്ങിയവരുടെ പേരുകള്‍ അധീര്‍ രഞ്ജന്‍ ചൗധരിക്കു പകരം പരിഗണിച്ചിരുന്നു.
https://www.facebook.com/Malayalivartha
