അധികാരത്തില്‍ എത്തിയ ശേഷം ആദ്യ 100 ദിവസത്തെ പ്രവര്‍ത്തന രീതി താന്‍ ഇപ്പോഴേ തയ്യാറാക്കി വെച്ചിട്ടുണ്ടെന്നും ലോക്‌സഭ തിരഞ്ഞെടുപ്പിന് ശേഷം മൂന്നാം തവണയും ബിജെപി അധികാരത്തലെത്തുമെന്ന് ആവര്‍ത്തിച്ച് പ്രധാനമന്ത്രി നരേന്ദ്ര മോദി. 'തന്റെ മൂന്നാം ടേമിന്റെ ആദ്യ 100 ദിവസത്തെ ബ്ലൂപ്രിന്റ് തയ്യാറാണ്'. എന്നാല്‍ രാജ്യത്തെ യുവാക്കളെ കേന്ദ്രീകരിച്ച് പദ്ധതിയിലേക്ക് 25 ദിവസം കൂടികൂട്ടിച്ചേര്‍ക്കാന്‍ താന്‍ പദ്ധതിയിടുകയാണെന്നും അദ്ദേഹം കൂട്ടിച്ചേര്‍ത്തു. രാജ്യത്തിന്റെ ഭാവി രൂപപ്പെടുത്തുന്നതില്‍ യുവാക്കളുടെ നിര്‍ണായക പങ്കിനെക്കുറിച്ച് ഊന്നിപ്പറഞ്ഞ പ്രധാനമന്ത്രി, തന്റെ തിരഞ്ഞെടുപ്പ് പ്രചാരണവേളയില്‍ ആദ്യമായി വോട്ട് ചെയ്യുന്നവരുടെയും യുവതലമുറയുടെയും ആവേശം കണ്ടാണ് 125 ദിവസത്തേക്ക് ഒരു രൂപരേഖയെക്കുറിച്ച് ചിന്തിക്കാന്‍ താന്‍ നിര്‍ബന്ധിതനായതെന്നും പറഞ്ഞു.

'എനിക്ക് പ്രചോദനം തോന്നുന്നു, അതിനാല്‍ 125 ദിവസത്തേക്ക് ഒരു പദ്ധതി തയ്യാറാക്കാന്‍ ഞാന്‍ ആഗ്രഹിക്കുന്നു. ഞാന്‍ ഇതിനകം 100 ദിവസത്തേക്ക് ഒരു പദ്ധതി തയ്യാറാക്കിയിട്ടുണ്ട്. 25 ദിവസം കൂടി ചേര്‍ക്കാന്‍ ഞാന്‍ ആഗ്രഹിക്കുന്നു,' പ്രധാനമന്ത്രി മോദി പറഞ്ഞു. തന്റെ പുതിയ പദ്ധതിയുടെ ഭാഗമായി, 2047-ഓടെ 'വിക്ഷിത് ഭാരത്' രാജ്യത്തെ യുവാക്കളുടെ ആശയങ്ങള്‍ക്ക് മുന്‍ഗണന നല്‍കണമെന്ന് താന്‍ ആഗ്രഹിക്കുന്നുതായും വ്യക്തമാക്കി. 'എനിക്ക് യുവാക്കളുടെ പങ്കാളിത്തം വേണം, അവര്‍ അവരുടെ ആശയങ്ങള്‍ പങ്കിടാന്‍ ആഗ്രഹിക്കുന്നു. എന്റെ രാജ്യത്തെ യുവജനങ്ങള്‍ക്കായി മൊത്തത്തില്‍ 25 ദിവസം സമര്‍പ്പിക്കാന്‍ ഞാന്‍ ആഗ്രഹിക്കുന്നു, ഞാന്‍ അത് ചെയ്യും. അതിനായി 100 ദിവസങ്ങളില്‍ നിന്ന് മുന്നോട്ട് പോകുകയാണ്,' പ്രധാനമന്ത്രി മോദി പറഞ്ഞു. തുടര്‍ച്ചയായി മൂന്നാം തവണയും റെക്കോര്‍ഡ് നേടാന്‍ ശ്രമിക്കുന്നു, പറഞ്ഞു.

ആദ്യ 100 ദിവസത്തേക്കുള്ള ഗവണ്‍മെന്റിന്റെ അജണ്ട തയ്യാറാക്കുന്നതിനിടയില്‍ രാജ്യത്തുടനീളമുള്ള 20 ലക്ഷത്തിലധികം ആളുകളില്‍ നിന്ന് ഇന്‍പുട്ടുകള്‍ സ്വീകരിച്ചതായി പ്രധാനമന്ത്രി പറഞ്ഞു.
'2014 ല്‍, എനിക്ക് അഞ്ച് വര്‍ഷത്തേക്ക് ഒരു പ്രകടന പത്രിക ഉണ്ടായിരുന്നു. 2019-ല്‍ ഞാന്‍ ആഗോള തലത്തില്‍ ശ്രദ്ധ ആകര്‍ഷിച്ചു. 2024-ല്‍ എന്റെ ചിന്ത അല്‍പ്പംകൂടി വലുതാണ്. അത് ദീര്‍ഘകാലത്തേക്കുള്ളതാണ്. കഴിഞ്ഞ 5 വര്‍ഷമായി ഞാന്‍ അതിനായി പ്രവര്‍ത്തിക്കുന്നു.' പ്രധാനമന്ത്രി പറഞ്ഞു. മാര്‍ച്ചില്‍, പ്രധാനമന്ത്രി മോദി തന്റെ മന്ത്രിമാരുടെ കൗണ്‍സിലുമായി 12 മണിക്കൂര്‍ നീണ്ട യോഗം നടത്തുകയും അടുത്ത അഞ്ച് വര്‍ഷത്തേക്കുള്ള വിശദമായ പ്രവര്‍ത്തന പദ്ധതിയെക്കുറിച്ച് ആലോചിക്കുകയും ചെയ്തു.