അമ്മയെ കൊന്ന് അവയവങ്ങള് പുറത്തെടുത്ത് വറുത്ത് തിന്നു... മകന് വധശിക്ഷ വിധിച്ച് കോടതി
മദ്യപിക്കുന്നതിനെ ചൊല്ലി അമ്മയും മകനും തമ്മില് നടന്ന തര്ക്കത്തെ തുടര്ന്ന് മകന് അമ്മയെ കൊലപ്പെടുത്തിയ ശേഷം അവയവങ്ങള് വറുത്ത് തിന്ന കേസില് ശിക്ഷ വിധിച്ച് കോടതി. അപൂര്വങ്ങളില് അപൂര്വമായ കേസെന്ന് വിലയിരുത്തിയാണ് കോലാപുര് കോടതി പ്രതിക്ക് വധശിക്ഷ വിധിച്ചത്. കൊല്ലപ്പെട്ട യെല്ലമ്മയുടെ മകനായ സുനില് രാമ കുഛ്കൊരാവി എന്ന 35കാരനാണ് കോടതി തൂക്കുകയര് വിധിച്ചത്. 2017ലായിരുന്നു രാജ്യത്തെ നടുക്കിയ സംഭവം നടന്നത്. മദ്യത്തിന് അടിമയായിരുന്നു ഇയാള്. അമ്മയുടെ പെന്ഷന് പണം ഉപയോഗിച്ചാണ് ഇയാള് മദ്യപിച്ചിരുന്നത്. ഇതേ കുറിച്ച് ഉണ്ടായ തര്ക്കത്തിന് ഇടയിലാണ് ക്രൂര കൊലപാതകം നടന്നത്.
അമ്മയെ കൊലപ്പെടുത്തിയ ശേഷം ശരീരം കീറി മുറിച്ച് അവയവങ്ങള് പുറത്തെടുക്കുകയും, ചില ഭാഗങ്ങള് വറുത്ത് കഴിക്കുകയുമായിരുന്നു. പൊലീസ് എത്തുമ്ബോള് അമ്മയുടെ ഹൃദയം ഒരു പാത്രത്തില് മുറിച്ച് വച്ചിരിക്കുന്നതാണ് കണ്ടത്. സാക്ഷികളില്ലാത്ത കേസില് ശാസ്ത്രീയ തെളിവുകള് നിരത്തിയാണ് പോലീസ് കേസ് തെളിയിച്ചത്.
https://www.facebook.com/Malayalivartha