ചൈനയുമായുള്ള അതിര്ത്തി പ്രശ്നങ്ങള് ചര്ച്ച ചെയ്യാന് അനുവദിച്ചില്ല; പ്രതിരോധ സമിതി യോഗത്തില് നിന്ന് രാഹുല് ഗാന്ധിയും എം.പിമാരും ഇറങ്ങിപ്പോയി
ചൈനയുമായുള്ള അതിര്ത്തി പ്രശ്നങ്ങള് ചര്ച്ച ചെയ്യാന് അനുവദിക്കാത്തതിനെത്തുടര്ന്ന് കോണ്ഗ്രസ് എംപി രാഹുല് ഗാന്ധിയും എം.പിമാരും പ്രതിരോധ സമിതി യോഗത്തില് നിന്ന് ഇറങ്ങിപ്പോയി. ബുധനാഴ്ച ഉച്ചകഴിഞ്ഞ് മൂന്നിനാണ് യോഗം നിശ്ചയിച്ചിരുന്നത്. ചൈനയുമായുള്ള അതിര്ത്തി പ്രശ്നങ്ങളെക്കുറിച്ച് ചര്ച്ച ചെയ്യണമെന്ന് രാഹുലും കോണ്ഗ്രസ് എംപിമാരും നടത്തിയ അഭ്യര്ഥന നിരസിക്കപ്പെടുകയായിരുന്നു. തുടര്ന്നാണ് അദ്ദേഹം യോഗത്തില് നിന്ന് ഇറങ്ങിപ്പോയത്.
കോണ്ഗ്രസ് മേധാവി സോണിയ ഗാന്ധിയുടെ അധ്യക്ഷതയില് ചേര്ന്ന പാര്ലമെന്റ് സ്ട്രാറ്റജി മീറ്റില് ചൈനയുമായുള്ള അതിര്ത്തി പ്രശ്നം ഉന്നയിക്കാന് കോണ്ഗ്രസ് തീരുമാനിച്ചിരുന്നു. പാര്ലമെന്റിെന്റ മണ്സൂണ് സെഷനില് ചൈനയുമായുള്ള അതിര്ത്തി പ്രശ്നങ്ങള്ക്ക് പുറമെ ഇന്ധനവില വര്ധന, പണപ്പെരുപ്പം, വാക്സിന് ക്ഷാമം, തൊഴിലില്ലായ്മ, റാഫേല് ഇടപാട് വിവാദങ്ങള് തുടങ്ങിയവ ഉയര്ത്താനാണ് കോണ്ഗ്രസ് തീരുമാനിച്ചിരിക്കുന്നത്.
അതിര്ത്തി തര്ക്കങ്ങള്ക്കൊടുവില് ഇന്ത്യന് ഭൂപ്രദേശങ്ങള് ചൈനക്ക് വിട്ടുകൊടുത്തുവെന്ന് നേരത്തേ രാഹുല് ഗാന്ധി പറഞ്ഞിരുന്നു. കഴിഞ്ഞ വര്ഷം ജൂണില് കിഴക്കന് ലഡാക്കിലെ ഗാല്വാന് താഴ്വരയില് ഇന്ത്യന്, ചൈനീസ് സൈനികര് ഏറ്റുമുട്ടിയിരുന്നു. ഒമ്ബത് മാസത്തെ തര്ക്കങ്ങള്ക്ക്ശേഷം, ഈ വര്ഷം ഫെബ്രുവരിയില് ഇന്ത്യയി ചൈന സൈനികര് പാങ്കോങ് തടാകത്തിെന്റ വടക്ക്, തെക്ക് തീരങ്ങളില് നിന്ന് പിന്മാറല് സംബന്ധിച്ച് ഒരു കരാറിലെത്തി. എന്നാല് ചൈന കയ്യേറിയ സ്ഥലങ്ങളില്നിന്ന് ഇപ്പോഴും പിന്മാറിയിട്ടില്ലെന്നാണ് പ്രതിപക്ഷ കക്ഷികള് ആരോപിക്കുന്നത്.
https://www.facebook.com/Malayalivartha