ഇന്ത്യൻ സാമ്പത്തിക രംഗത്തെ കുറിച്ച് ഞെട്ടിക്കുന്ന വെളിപ്പെടുത്തലുമായി മൂഡിസ്. ഈ രംഗം വളരെയധികം പ്രതിസന്ധികൾ നേരിടുന്ന ഘട്ടത്തിലാണ് ഇത്തരത്തിലൊരു അനുകൂലമായ വാർത്തകൾ പുറത്തുവരുന്നത് .ഇന്ത്യൻ സാമ്പത്തിക രംഗം കരുത്തുറ്റതും വിവിധതയുള്ളതുമാണെന്ന് അന്താരാഷ്‌ട്ര റേറ്റിംഗ് ഏജൻസിയായ മൂഡിസ് വിളിച്ചു പറയുമ്പോൾ അത് കഴിവുറ്റ ഭരണാധികാരികളുടെ ശ്രമത്തിന്റെ ഫലമാണെന്ന് പറയാതെ വയ്യ.

ഏജൻസി പറയുന്നതനുസരിച്ച് ഇന്ത്യയുടെ സാമ്പത്തിക സ്ഥിതി നെഗറ്റീവിൽ നിന്ന് സുസ്ഥിരമായതായിട്ടാണ് അറിയുവാൻ സാധിക്കുന്നത്. സർക്കാർ ഇടപെടലുകളും ബാങ്കിംഗ് മേഖലയുടെ കരുത്തുമാണ് ഇന്ത്യയ്‌ക്ക് താങ്ങായതെന്ന് മൂഡിസ് വ്യക്തമാക്കുന്നു

ഉയർന്ന വളർച്ച നിരക്ക് ആർജ്ജിക്കാനുള്ള കഴിവ് ഇന്ത്യയ്ക്കുണ്ട്. ഇന്ത്യൻ സാമ്പത്തിക മേഖലയ്‌ക്ക് ശക്തമായ ആഭ്യന്തര അടിത്തറയുണ്ടെന്നും മൂഡിസ് റിപ്പോർട്ടിൽ വ്യക്തമാക്കിയിരിക്കുന്നു. ഇതുകൂടാതെ സർക്കാർ പണം ഇറക്കിയതും അനുകൂലഘടകമായി മാറിയിരിക്കുകയാണ്.

രാഷ്‌ട്രീയ സ്ഥിരതയും സാമ്പത്തിക രംഗത്തെ പോസിറ്റീവായി തന്നെ സ്വാധീനിക്കുകയുണ്ടായി. ബാങ്കുകൾ ശക്തമായതായും വ്യക്തമാക്കിയിട്ടുണ്ട്. ഇന്ത്യയുടെ ജിഡിപി വളർച്ച നിരക്ക് 2019 ലേതിനെ മറികടക്കുമെന്ന് നിഗമനത്തിലാണ് മൂഡിസ് . 9.3 ശതമാനം വളർച്ചയാണ് മൂഡിസ് പ്രതീക്ഷിക്കുന്നുണ്ട് . ഇന്ത്യൻ സാമ്പത്തിക രംഗം ശക്തമായി തിരിച്ചു കയറുന്നു എന്നതിന്റെ സൂചനയാണിതെന്നും മൂഡിസ് റേറ്റിംഗ് ചൂണ്ടിക്കാണിക്കുന്നു.

കൊറോണ കാലത്ത് ഇന്ത്യയുടെ ജിഡിപി വളർച്ച നെഗറ്റീവ് ആയി താഴ്ന്നിരുന്നു. അന്താരാഷ്‌ട്ര ക്രെഡിറ്റ് ഏജൻസികൾ ഇന്ത്യയുടെ റേറ്റിംഗും കുറച്ചു. എന്നാൽ നരേന്ദ്രമോദി സർക്കാരിന്റെ ശക്തമായ സാമ്പത്തിക നയങ്ങളാണ് ഇന്ത്യയുടെ സമ്പദ് രംഗത്തെ വീണ്ടും പഴയ തലത്തിലേക്ക് എത്തിച്ചത്.