ഐപിഎല്ലില് ഗുജറാത്ത് ടൈറ്റന്സിനെതിരായ മത്സരത്തില് റോയല് ചലഞ്ചേഴ്സ് ബംഗളൂരുവിന് തകര്പ്പന് ജയം...
ഐപിഎല്ലില് ഗുജറാത്ത് ടൈറ്റന്സിനെതിരായ മത്സരത്തില് റോയല് ചലഞ്ചേഴ്സ് ബംഗളൂരുവിന് തകര്പ്പന് ജയം. ടെറ്റന്സ് ഉയര്ത്തിയ 201 റണ്സ് വിജയലക്ഷ്യം നാലോവര് ബാക്കിനില്ക്കെ റോയല്സ് മറികടക്കുകയായിരുന്നു. മത്സരത്തില് ബംഗളൂരുവിന്റെ ജയം ഒമ്പത് വിക്കറ്റിനാണ് .
ഇംഗ്ലീഷ് യുവതാരം വില് ജാക്സിന്റെ തകര്പ്പന് സെഞ്ച്വറിയും(41 പന്തില് 100 റണ്സ് നേടി) വിരാട് കോഹ്ലിയുടെ അര്ധസെഞ്ച്വറി(44 പന്തില് 70)യുമാണ് ആര്സിബിക്ക് ജയം അനായാസമാക്കി മാറ്റിയത്.
നായകന് ഫാഫ് ഡുപ്ലീസിസ് 12 പന്തില് നിന്ന് ഒരു ഫോറും മൂന്നു സിക്സറുകളും സഹിതം 24 റണ്സ് നേടി പുറത്തായി. ജയത്തോടെ പ്ലേ ഓഫ് സാധ്യത സജീവമാക്കാനും ആര്സിബിക്ക് കഴിഞ്ഞു.
ടോസ് നേടി ആദ്യം ബാറ്റ് ചെയ്ത ഗുജറാത്ത് നിശ്ചിത ഓവറില് മൂന്ന് വിക്കറ്റ് നഷ്ടത്തില് 200 റണ്സാണ് നേടിയത്. സായ് സുദര്ശന്, ഷാരൂഖ് ഖാന് എന്നിവരുടെ അര്ധ സെഞ്ച്വറിയും ഡേവിഡ് മില്ലറുടെ ബാറ്റിങുമാണ് ടീമിന് പൊരുതാവുന്ന സ്കോര് സമ്മാനിച്ചത്.
"
https://www.facebook.com/Malayalivartha
