എയര് ഇന്ത്യ വിമാനത്തില് കോഴിയിറച്ചിക്ക് നിയന്ത്രണം ഏര്പ്പെടുത്തി
എയര് ഇന്ത്യ വിമാനത്തില് യാത്ര ചെയ്യുന്ന യാത്രക്കാര്ക്ക് വിളമ്പുന്ന ഭക്ഷണത്തില് കോഴിയിറച്ചിക്ക് നിയന്ത്രണം ഏര്പ്പെടുത്തി. ഇക്കോണമി ക്ലാസില് യാത്ര ചെയ്യുന്ന ആഭ്യന്തര യാത്രക്കാര്ക്കാണ് ഈ നിയന്ത്രണം ഏര്പ്പെടുത്തിയിരിക്കുന്നത്. കഴിഞ്ഞ മാസം പകുതിയോടെ ഇത് നിലവില് വന്നതായും വിവരമുണ്ട്.
എന്നാല് ബിസിനസ്. എക്സിക്യൂട്ടീവ് ക്ലാസുകളില് യാത്ര ചെയ്യുന്ന ആഭ്യന്തര, രാജ്യാന്തര യാത്രക്കാര്ക്കുള്ള ഭക്ഷണത്തില് കോഴിയിറച്ചി വിഭവങ്ങള് തുടരുമെന്നും എയര് ഇന്ത്യ ചെയര്മാന് അശ്വനി ലോഹാനി പറഞ്ഞു.
ചെലവ് ചുരുക്കുന്നതിന്റെയും മാലിന്യ സംസ്ക്കരണം എളുപ്പമാക്കുന്നതിന്റെയും ഭാഗമായാണ് ഇത്തരമൊരു നടപടിയിലേക്ക് നീങ്ങിയത്. കൂടാതെ മാംസാഹാരം കഴിക്കുന്നവരും അല്ലാത്തവരുമായി കൂടിക്കലരുന്നത് തടയാന് കൂടിയാണ് തീരുമാനമെന്നും എയര് ഇന്ത്യ മാനേജ്മെന്റ് വിശദീകരിക്കുന്നു.
അതേസമയം, തീരുമാനത്തിനെതിരെ ഒരു വിഭാഗം യാത്രക്കാര് രംഗത്തെത്തി. തീരുമാനം പുനപരിശോധിക്കണമെന്നും ഇത്തരമൊരു പരിഷ്ക്കാരം നടപ്പിലാക്കുന്നതിന് മുമ്പ് യാത്രക്കാരുടെ അഭിപ്രായം തേടണമായിരുന്നുവെന്നും വിമാന യാത്രക്കാരുടെ സംഘടന നേതാവ് മഹേഷ് റെഡി പറഞ്ഞു.
https://www.facebook.com/Malayalivartha
