മുഖ്യമന്ത്രി പോയത് വൈദ്യ പരിശോധനക്കാണ്. അത് പൂര്‍ത്തിയാകുന്ന പക്ഷം മടങ്ങി വരും. എപ്പോഴാണെന്നത് പരിശോധന കഴിഞ്ഞാലെ പറയാന്‍ കഴിയു. മന്ത്രിസഭായോഗമുള്‍പ്പടെ എല്ലാ സംവിധാനങ്ങളും കൃത്യമായി നടന്ന് പോകും.- ജയരാജന്‍ പറഞ്ഞു.

മുഖ്യമന്ത്രിയുടെ അഭാവം ഭരണസ്തംഭനം ഉണ്ടാക്കില്ലെന്ന് വ്യവസായ വകുപ്പ് മന്ത്രി ഇ.പി ജയരാജന്‍. നിര്‍ണായകമായ തീരുമാനങ്ങള്‍ എടുക്കേണ്ടി വന്നാല്‍ അതിനും ഒരു ബുദ്ധിമുട്ടും ഉണ്ടാകില്ല. പരസ്പരം കൂടിയാലോചിച്ച്‌ കാര്യങ്ങള്‍ ഭംഗിയായി നടത്തുമെന്നും ജയരാജന്‍ വ്യക്തമാക്കി. പ്രത്യേകിച്ച്‌ ഒരാള്‍ക്കും ചുമതല നല്‍കിയിട്ടില്ല. മുഖ്യമന്ത്രിയും മന്ത്രിമാരും ഒറ്റക്കെട്ടായാണ് പ്രവര്‍ത്തിക്കുന്നത്. ആ പ്രവര്‍ത്തനങ്ങള്‍ മാറ്റമില്ലാതെ തുടരും.

ചികിത്സയിലായിരിക്കുമെങ്കിലും ഇ- ഫയല്‍ സംവിധാനം വഴി ഔദ്യോഗിക ഫയലുകള്‍ മുഖ്യമന്ത്രി അമേരിക്കയില്‍ ഇരുന്നു ഒപ്പിടും. അമേരിക്കയിലെ ചിക്തസയ്ക്കും ശസ്ത്രക്രിയയ്ക്കും ശേഷം 17-നു മുഖ്യമന്ത്രി മടങ്ങിയെത്തും.

പ്രളയം കേരളത്തിനുണ്ടാക്കിയ നഷ്ടങ്ങള്‍ നികത്താന്‍ കേരളത്തിന് അകത്തും പുറത്തുമുള്ള എല്ലാ സഹായങ്ങളും സ്വീകരിക്കേണ്ടതുണ്ട്. വലിയ സഹായമാണ് ഇപ്പോള്‍ കേരളത്തിന് ലഭിക്കുന്നത്. ഇതിന് പുറമെ മന്ത്രിമാര്‍ വിദേശങ്ങളില്‍ പോയി സഹായങ്ങള്‍ സ്വീകരിക്കും. എലിപ്പനി പടരുന്നത് വളരെ ഗുരുതരമായ പ്രശ്നമാണ്. വലിയ ജാഗ്രത ഇക്കാര്യത്തില്‍ കാണിക്കണമെന്നും ഇ.പി ജയരാജന്‍ വ്യക്തമാക്കി.