റോഡില്‍ മാത്രമല്ല ഓഫീസിലും ഹെല്‍മെറ്റ് ധരിച്ച് ജീവനക്കാര്‍?
ഓഫീസില്‍ ജോലി സമയത്തും ഹെല്‍മറ്റ് ധരിച്ച് ഒരു കൂട്ടം ജിവനക്കാര്‍. സര്‍ക്കാരിന്റ ഗുരുതര വീഴ്ചയാണ് ജോലിസമയത്തും ഹെല്‍മെറ്റ് ധരിക്കേണ്ട ഗതികേട് ഉദ്യോഗസ്ഥര്‍ക്കുണ്ടായത്. ബിഹാറിലെ ഈസ്റ്റ് ചമ്ബരന്‍ ജില്ലയിലെ ഒരു സര്‍ക്കാര്‍ ഓഫീസിലെ ജീവനക്കാരാണ് സ്വന്തം ജീവന്‍ രക്ഷിക്കാന്‍ വേണ്ടി ഹെല്‍മറ്റ് ധരിച്ചിരിക്കുന്നത്.
സര്‍ക്കാര്‍ ഓഫീസ് കെട്ടിടത്തിന്റെ ശോചനീയാവസ്ഥയാണ് കെട്ടിടത്തിനുള്ളിലും ഹെല്‍മറ്റ് ധരിക്കാന്‍ ഇവരെ നിര്‍ബന്ധിതരാക്കിയിരിക്കുന്നത്. ഏതു നിമിഷം വേണമെങ്കിലും കെട്ടിടത്തിന്റെ മേല്‍ക്കൂര ഇടിഞ്ഞുപൊളിഞ്ഞു വീഴാമെന്ന് ജീവനക്കാര്‍ പറയുന്നു. അതിനാലാണ് ജോലിക്കിടെ അങ്ങനെ ഒരു അപകടമുണ്ടായാല്‍ തലയെങ്കിലും സുരക്ഷിതമാകട്ടെ എന്നു കരുതി ഇവര്‍ ഹെല്‍മറ്റ് ധരിക്കുന്നത്. ഏറെ രസം അതൊന്നുമല്ല ജീവനക്കാര്‍ മാത്രമല്ല ഓഫീസില്‍ ഹെല്‍മെറ്റ് ധരിക്കുന്നത്. ഇവിടെയെത്തുന്ന സന്ദര്‍ശകരും കെട്ടിടത്തിനുള്ളിലേക്ക് പ്രവേശിക്കുന്നതിന് മുമ്ബ് ഹെല്‍മറ്റ് ധരിക്കുന്ന കാഴ്ചയും സാധാരണമാണ്.
കഴിഞ്ഞ വര്‍ഷം ബിഹാര്‍ സര്‍ക്കാരിന്റെ കെട്ടിട നിര്‍മാണ വകുപ്പ് ഈ ഓഫീസ് സമുച്ചയം അപകടാവസ്ഥയിലാണെന്ന് പ്രഖ്യാപിച്ചിരുന്നു. എന്നാല്‍ പുതിയ കെട്ടിടം നിര്‍മിച്ചു നല്‍കാനോ ജീവനക്കാരെ താല്‍ക്കാലിക സുരക്ഷിത കേന്ദ്രത്തിലേക്ക് മാറ്റാനോ സര്‍ക്കാര്‍ ഇതുവരെ തയാറായിട്ടില്ല. ഇതിനോടകം തന്നെ മേല്‍ക്കൂരയുടെ വിവിധ ഭാഗങ്ങള്‍ അടര്‍ന്നുവീഴുകയും നിരവധി ജീവനക്കാര്‍ക്ക് പരിക്കേല്‍ക്കുകയും ചെയ്തിട്ടുണ്ട്.
https://www.facebook.com/Malayalivartha
