ചായക്കടയില്‍ നിന്നും ചായ കുടിച്ച് 21 പേരെ ആശുപത്രിയില്‍ പ്രവേശിപ്പിച്ചു. ഇവരില്‍ മൂന്നു പേരുടെ നില ഗുരുതരമാണെന്നാണ് റിപ്പോര്‍ട്ട്. ഉത്തര്‍പ്രദേശിലെ മിര്‍സാപൂരിലാണ് സംഭവം. റമീഷ് എന്നയാളുടെ ഉടമസ്ഥതയിലുള്ള കടയില്‍ നിന്നും ചായ കുടിച്ച ആള്‍ക്കാരെയാണ് ആശുപത്രിയില്‍ പ്രവേശിപ്പിച്ചത്.

വിവരമറിഞ്ഞ് അധികൃതര്‍ സ്ഥലത്തെത്തി കട പരിശോധന നടത്തി. വൃത്തിഹീനമായ അന്തരീക്ഷത്തില്‍ പ്രവര്‍ത്തിച്ച സ്റ്റാള്‍ അധികൃതര്‍ സീല്‍ ചെയ്തു. കഴിഞ്ഞ ആഴ്ചയിലും ഇവിടെ നിന്ന് ചായ കുടിച്ചവരില്‍ ചിലരെ ആശുപത്രിയില്‍ പ്രവേശിപ്പിച്ചതായും വിവരമുണ്ട്.