ക്യാന്‍സറിനുപയോഗിക്കുന്ന മരുന്നുകളുടെ പ്രവര്‍ത്തനം ശരീരത്തില്‍ ത്വരുതപ്പെടുത്തുന്നതിനും പ്രതിരോധശേഷി വര്‍ധിക്കുന്നതിനുമായി ഗോമൂത്രം ശാസ്ത്രീയമായി വാറ്റിയെടുത്തി മരുന്നായി ഉപയോഗിക്കുന്ന സംവിധാനം സംസ്ഥാനത്തും പരീക്ഷിക്കുന്നു.

വെച്ചൂര്‍ ആര്‍ക്ക എന്ന ബ്രാന്‍ഡില്‍ ഈ ഗോമൂത്രമരുന്ന് പൂക്കോട് കോളേജ് ഓഫ് വെറ്ററിനറി സയന്‍സില്‍ തയ്യാറാക്കുന്നുണ്ട്. കേരളത്തിനുപുറത്ത് ചില സംസ്ഥാനങ്ങളില്‍ ഗോമൂത്രം ഈ രീതിയില്‍ സംസ്‌കരിച്ച് ഉപയോഗിക്കുന്നുണ്ടെങ്കിലും സംസ്ഥാനത്ത് ആദ്യമായാണ് പരീക്ഷണാടിസ്ഥാനത്തില്‍ തയ്യാറാക്കുന്നത്. മുപ്പതോളം വെച്ചൂര്‍ പശുക്കളില്‍ നിന്ന് മൂത്രം ശേഖരിച്ചാണ് വെച്ചൂര്‍ ആര്‍ക്ക തയ്യാറാക്കുക.
അതിരാവിലെ പശുക്കളില്‍ നിന്ന് മണ്ണില്‍ വീഴാതെ നേരിട്ട് മൂത്രം ശേഖരിക്കുകയും ഇവ സംസ്‌കരിച്ചെടുക്കുകയുമാണ് ചെയ്യുന്നത്. മൂത്രം സംസ്‌കരിക്കുന്ന സാങ്കേതികവിദ്യയ്ക്കായി മുംബൈയില്‍ നിന്ന് പ്രത്യേക ഗോമൂത്ര ഡിസ്റ്റിലേഷന്‍ യൂണിറ്റ് കൊണ്ടു വന്നു. 20 ലിറ്റര്‍ ശേഷിയുളള ഈ യൂണിറ്റില്‍ നിന്ന് ഒരേ സമയം അഞ്ചുമുതല്‍ 15 ലിറ്റര്‍ വരെ ഗോമൂത്രം സംസ്‌കരിച്ചെടുക്കാം. അര്‍ബുദത്തിന് ഉപയോഗിക്കുന്ന മരുന്നുകളുടെ പ്രവര്‍ത്തനത്തിന് ശക്തി പകരുന്ന ആന്റി ഓക്‌സിഡന്റ് വസ്തുക്കള്‍ ഗോമൂത്രത്തില ഉണ്ടെന്ന് തെളിഞ്ഞിട്ടുണ്ട്.
സംസ്‌ക്കരിച്ചെടുത്ത മൂത്രത്തിന് ഗന്ധമുണ്ടാവില്ല. നാരങ്ങനീരോ മറ്റോ ചേര്‍ത്ത് ഇത് ആര്‍ക്കും കുടിക്കാം. നിശ്ചിതയളവില്‍ കുപ്പിയിലാക്കി വെച്ചൂര്‍ ആര്‍ക്ക എന്ന പേരിലാണ് ഇത് വിപണിയിലിറക്കുക. കാലിത്തീറ്റയോ മറ്റു കൃത്രിമ ആഹാരമപദാര്‍ത്ഥങ്ങളോ കൊടുക്കാത്ത പശുക്കളില്‍ നിന്നുളള മൂത്രമാണ് ഇതിനായി ശേഖരിക്കുന്നത്. സാധാരണ പച്ചപുല്ലും മറ്റു സസ്യങ്ങളും മാത്രമാണ് ഇവയ്ക്ക് കൊടുക്കുക. പദ്ധതി വിജയിക്കുകയാണെങ്കില്‍ പാലിനൊപ്പം അതിനേക്കാല്‍ വിലകിട്ടുന്ന മൂത്രവും കര്‍ഷകര്‍ക്ക് വലിയ നേട്ടമായി മാറും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha