യൂണിവേഴ്‌സിറ്റി ഓഫ് സെന്റ് ആന്‍ഡ്രൂസിലെ ശാസ്ത്രകാരന്‍മാര്‍ അടുത്തിടെ മനുഷ്യശിശുക്കളുടേയും വിവിധ കുരങ്ങുവര്‍ഗ്ഗങ്ങളുടേയും ബുദ്ധിയെ സംബന്ധിച്ചു ഒരു താരതമ്യ പഠനം നടത്തി.
ചുവന്ന സിഗ്നല്‍ കണ്ടാല്‍ നില്‍ക്കണമെന്ന് സാധാരണയായി എല്ലാവര്‍ക്കും അറിയാം. ഇത് മനുഷ്യര്‍ മനസ്സിലാകുന്നതുപോലെ എന്തെങ്കിലും കണ്ടിട്ട് അത് ചെയ്തു കഴിയുമ്പോഴുളള ഫലം മനസ്സിലാക്കി അതിനനുസരണമായി പ്രവര്‍ത്തിക്കാനുളള കഴിവ് കപ്പൂച്ചീനുകള്‍, ചിമ്പന്‍സികള്‍, ബൊണോബുകള്‍ എന്നീ കുരങ്ങുവര്‍ഗ്ഗങ്ങള്‍ക്കുണ്ടോ എന്നു പരിശോധിച്ചു നോക്കുകായാണ് ആദ്യം ചെയ്തത്.
ഇതിനായി ശാസ്ത്രകാരന്‍മാര്‍ ചരടില്‍ കോര്‍ത്ത ആഹാരസാധനങ്ങള്‍ നിറച്ച രണ്ടു പെട്ടികള്‍ തയ്യാറാക്കി. ഇവയിലെ ഒരു പെട്ടിയിലെ ആഹാരവസ്തുക്കള്‍ പുറത്തുകാണാത്ത അവസ്ഥയിലും മറ്റൊന്നില്‍ കാണുന്ന സ്ഥിതിയിലുമായിരുന്നു. രണ്ടുപെട്ടിയില്‍ നിന്നും രണ്ടു ചരടുകള്‍ വീതം പുറത്തേക്കിട്ടിരുന്നു. അതിലെ ഒരു ചരട് ആഹാരവുമായി ബന്ധിപ്പിച്ചിരുന്നില്ല. ആഹാരവുമായി കോര്‍ത്തിട്ടുളള ചരടുവലിക്കുമ്പോള്‍ രണ്ടു പെട്ടിയില്‍ നിന്നും അഹാരം ലഭ്യമാകും. കുരങ്ങുകളെക്കൊണ്ട് ഇത് ചെയ്യിച്ചപ്പോള്‍ അടച്ചുവച്ച പെട്ടിയില്‍ നിന്ന് ആഹാരം നേടാന്‍ അവയെ സഹായിക്കേണ്ടതായി വന്നു. എന്നാല്‍ തുറന്നുവച്ചിരുന്ന പെട്ടിയില്‍ നിന്ന് ഭക്ഷണം കിട്ടാന്‍ ഏതു ചരടിലാണ് വലിയ്‌ക്കേണ്ടതെന്ന് കുരങ്ങുകള്‍ കൃത്യമായി മനസ്സിലാക്കി ചെയ്തുവെന്നാണ് ഗവേഷകര്‍ പറയുന്നത്. മൂന്നു വയസ്സു പ്രായമുളള മനുഷ്യശിശുക്കളും ഇപ്രകാരമാണ് ഈ സാഹചര്യത്തോട് പ്രതികരിക്കുന്നത് എന്ന് ശാസ്ത്രകാരന്‍മാര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha