മന്ത്രവാദത്തിനായി ബാലന്റെ ലിംഗം മുറിച്ചെടുത്തതായി പരാതി
ഉത്തരാഖണ്ഡില് മന്ത്രവാദം നടത്തുന്നതിനു വേണ്ടി ബാലന്റെ ലിംഗം മുറിച്ചെടുത്തു. അസുഖം മാറുന്നതിനും സമ്പത്ത് വര്ദ്ദിപ്പിക്കുന്നതിനും വേണ്ടിയാണ് മന്ത്രവാദികള് കുട്ടിയുടെ ലിംഗം മുറിച്ചതെന്ന് നാട്ടുകാര് പറയുന്നു. ഉത്തരാഖണ്ഡി പീരാന് കലിയാര് ഗ്രാമത്തിലാണ് സംഭവം.
കരിമ്പുപാടത്ത് കളിച്ചു കൊണ്ടിരിക്കുകയായിരുന്നു ശുഐബ് ബാലി എന്ന മൂന്നു വയസ്സുകാരനെയാണ് അഞ്ചു പേര് ചേര്ന്ന് പിടികൂടിയ ശേഷം ലൈംഗികാവയം മുറിച്ചെടുത്തത്. സംഭവ ശേഷം രക്തമൊലിക്കുന്ന ബാലനെ വഴിയിലുപേക്ഷിച്ച് മുറിച്ചെടുത്ത ലിംഗവുമായി ഇവര് കടന്നു കളഞ്ഞു. നിലവിളിച്ച് രക്തത്തില് കുളിച്ച് വീട്ടിലെത്തിയ കുട്ടിയെ വീട്ടുകാര് ആശുപത്രിയിലെത്തിച്ചു.അക്രമങ്ങളെ കണ്ടെത്താന് നാട്ടുകാര് ഉടന് തന്നെ പാടത്തേക്ക് പോയെങ്കിലും ആക്രമികളെ കണ്ടെത്താന് കഴിഞ്ഞില്ല. സ്ഥലത്ത് പഴയൊരു ഷേവിങ് ബ്ലേഡ് രക്തം പുരണ്ട് കിടക്കുന്നത് മാത്രമാണ് കണ്ടെത്താനായത്.
ഗുരുതരമായി പരിക്കേറ്റതിനാല് ലിംഗം പുനര്സൃഷ്ടിക്കാന് കഴിയില്ലെന്ന് പട്ടേല് നഗര് ആശുപത്രിയില് കുട്ടിയെ പരിശോധിച്ച പീഡിയാട്രിക് സര്ജന് മധുകര് മലേത്ത പറഞ്ഞു. ശസ്ത്രക്രിയയിലൂടെ മൂത്രം പുറത്തു പോകാനുള്ള വഴിയുണ്ടാക്കുമെന്നും അദ്ദേഹം പറഞ്ഞു. ലിംഗം മുറിച്ചെടുത്തത് മന്ത്രവാദത്തിനാണെന്ന് കുട്ടിയുടെ അച്ഛന് സലിം പറഞ്ഞു. ദുര്മന്ത്രവാദികള് ആണ്കുട്ടികളുടെ ലിംഗം ആവശ്യപ്പെടുക പതിവാണെന്നും ഇതിനു വേണ്ടി തന്നെയാണ് തന്റെ മകനെ ആക്രമിച്ചതെന്നും സലിം പറഞ്ഞു.
അതിനിടെ ആക്രമികളായ അഞ്ചു പേരെ അറസ്റ്റ് ചെയ്തതായി പൊലീസ് പറഞ്ഞു. ഇവരില് രണ്ടു പേര് മന്ത്രവാദം നടത്തുന്നവരാണെന്ന് തെളിഞ്ഞിട്ടുണ്ട്. കൃത്യം നടത്തിയത് ദുര്മന്ത്രവാദത്തിന് തന്നെയാണോ എന്ന് അന്വേഷിച്ചു വരികയാണെന്നും പൊലീസ് പറഞ്ഞു. സംഭവം ബ്രിട്ടീഷ് വെബ് പത്രമായ മെയില് ഓണ്ലൈന് അടക്കം റിപ്പോര്ട്ട് ചെയ്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha