നിരന്തരം മാറ്റങ്ങള്‍ കൊണ്ട് വന്ന് ഉപഭോക്താക്കളെ കാലത്തിനൊത്ത് തൃപ്തിപ്പെടുത്തുന്നതില്‍ എന്നും ഒരു പടി മുമ്പില്‍ തന്നെയാണ് വാട്ട്സ്ആപ്പ് . എന്നിരുന്നാലും വ്യാജവാര്‍ത്തകള്‍ ഷെയര്‍ ചെയ്യുന്നതുള്‍പ്പെടെയുള്ള കാര്യങ്ങളില്‍ വാട്സാപ്പ് പലപ്പോഴും തലവേദനയാകാറുമുണ്ട് . അതുകൊണ്ട് തന്നെ പഴയതില്‍ നിന്ന് വ്യത്യസ്ഥമായി നിരവധി മാറ്റങ്ങളാണ് ഇതിനോടകം വാട്സാപ്പില്‍ വരുത്തിയിരിക്കുന്നതും.

ഇതിന്‍റെ ഭാഗമായാണ് ഇന്ത്യൻ ഉപയോക്താക്കൾക്കായി നേരത്തെ തന്നെ അവതരിപ്പിച്ച ഗ്രൂപ്പ് സ്വകാര്യതയുടെ പുതിയ ഫീച്ചറുകളുമായി വാട്ട്സ്ആപ്പ് വീണ്ടുമെത്തുന്നത്.
വാട്സാപ് മെസഞ്ചറിന്റെ ഏറ്റവും പുതിയ ആൻഡ്രോയിഡ്, ഐഒഎസ് ബീറ്റയിൽ ഈ ഫീച്ചർ കാണാം. ഗ്രൂപ്പ് സ്വകാര്യത ക്രമീകരണങ്ങളിൽ മുൻപ് ലഭ്യമായിരുന്ന നോബഡി ഓപ്ഷനുപകരം പുതിയ പരിഷ്കാരങ്ങളും വരുത്തിയിട്ടുണ്ട്.

നിങ്ങളുടെ സമ്മതമില്ലാതെ ഇനി നിങ്ങളെ ഗ്രൂപ്പിലേക്ക് ചേർക്കാൻ കഴിയില്ല. അത്തരം പുതിയ ഓപ്ഷനുകളാണ് ഇപ്പോള്‍ വാട്സാപ്പ് ഉൾക്കൊള്ളിച്ചിട്ടുള്ളത് . ഇതോടൊപ്പം ആപ്ലിക്കേഷന്റെ ഡെസ്ക്ടോപ്പ് പതിപ്പിലും തുടർച്ചയായി ശബ്ദ സന്ദേശങ്ങൾ കേൾക്കാനുള്ള ഫീച്ചർ അവതരിപ്പിച്ചതായും പുറത്തുവരുന്ന റിപ്പോര്‍ട്ടുകള്‍ വ്യക്തമാക്കുന്നു.

ഗ്രൂപ്പ് സ്വകാര്യത ശക്തമാക്കാനായി ‘എവരിവണ്‍, മൈ കോണ്‍ടാക്റ്റ്‌സ്, മൈ കോണ്‍ടാക്റ്റ്‌സ് എക്‌സെപ്റ്റ്’ എന്നിങ്ങനെ മൂന്ന് ഓപ്ഷനുകളാണ് വാട്‌സാപ് നല്‍കുന്നത്. ഒരു ഗ്രൂപ്പിലും ചേരാൻ താൽപര്യമില്ലാത്തവരെ സംഘത്തിൽ ചേർക്കാൻ വ്യക്തിപരമായി മെസേജ് അയക്കേണ്ടിവരും. പുതിയതും മെച്ചപ്പെട്ടതുമായ ഗ്രൂപ്പ് സ്വകാര്യതാ ക്രമീകരണങ്ങൾ ഉപയോക്താക്കൾക്ക് ഏറെ ഉപകാരപ്പെടുന്നതാണ്.

മൂന്നാമതൊരു ആപ്പിന്റെ സഹായം തേടാതെ വാട്സ്ആപ്പില്‍ മറഞ്ഞിരിക്കാന്‍ കഴിയുമെന്നു എത്രപേർക്ക് അറിയാം? ഇതിനായി വാട്സ്ആപ്പ് മെസേജുകള്‍ക്കും കോളുകള്‍ക്കും നിശ്ചയിച്ചിരിക്കുന്ന റിങ്ടോണ്‍ മാറ്റുകയെന്നതാണ് ആദ്യപടി. വാട്സ്ആപ്പില്‍ സൈലന്റ് മോഡ് എന്നൊരു സൌകര്യമില്ല. അതിനെ മറികടക്കാന്‍ മറ്റൊരു മാര്‍ഗമുണ്ട്.

പുതിയൊരു റിങ്ടോണ്‍ ഉപയോക്താവ് സൃഷ്ടിക്കുകയാണ് ആദ്യം ചെയ്യേണ്ടത്. രണ്ടോ മൂന്നോ സെക്കന്റ് നിശബ്ദത റെക്കോര്‍ഡ് ചെയ്ത് 'സൈലന്റ് റിങ്ടോണ്‍' എന്ന പേരില്‍ ഫോണില്‍ സൂക്ഷിക്കുക. ഇതിന് ശേഷം വാട്സ്ആപ്പ് തുറക്കുക. സെറ്റിങ്സില്‍ പ്രവേശിച്ച ശേഷം നോട്ടിഫിക്കേഷനില്‍ നോട്ടിഫിക്കേഷന്‍, കോള്‍ റിങ്ടോണുകള്‍ എന്നിവക്ക് 'സൈലന്റ് റിങ്ടോണ്‍' എന്നത് തിരഞ്ഞെടുക്കുക.

അടുത്ത ഘട്ടം നിങ്ങളുടെ ഫോണിലെ സെറ്റിങ്സിലാണ്. ആന്‍ഡ്രോയ്ഡില്‍ സെറ്റിങ്സ് തുറക്കുക. അതില്‍ Apps>> Open list of Apps>>Select WhatsApp>> എന്നിങ്ങനെ പോകുക. ഇതിന് ശേഷം നോട്ടിഫിക്കേഷനില്‍ വാട്സ്ആപ്പിലേക്കുള്ള മുഴുവന്‍ നോട്ടിഫിക്കേഷനുകളും ഡിസേബിള്‍ ചെയ്യുക. വൈബ്രേഷനും പോപ്പ്ആപ്പ്സും ഡിസേബിള്‍ ചെയ്യുക. ഇതോടെ നിങ്ങള്‍ വാട്സ്ആപ്പ് തുറക്കുന്നത് വരെ പുതിയ ഏതെങ്കിലും സന്ദേശമുള്ളതായി അറിയിച്ചുള്ള നോട്ടിഫിക്കേഷന്‍ വരുന്നത് നിലയ്ക്കും