ഗോവയില്‍ ഇനി പരസ്യചുംബനം പാടില്ല. വിനോദ സഞ്ചാരികളുടെയും കാമിതാക്കളുടെയും പരസ്യചുംബനം ശല്യമായതോടെയാണ് ഗോവയിലെ അധികൃതര്‍ ഇത്തരത്തിലൊരു തീരുമാനം എടുത്തിരിക്കുന്നത്. ഗോവയിലെ പനജി സമീപമുള്ള സാല്‍വഡോര്‍ ഡോ മുന്‍ഡോ ഗ്രാമം അധികൃതരാണ് ഇത്തരത്തിലൊരു തീരുമാനം എടുത്തത്. അധികൃതര്‍ അവസാനം പ്രദേശവാസികളുടെ പരാതി കൊണ്ട് പൊറുതിമുട്ടിയാണ് ഇത്തരത്തിലൊരു തീരുമാനത്തിന് തയ്യാറായത്. പരസ്യചുംബനം ശിക്ഷാര്‍ഹം എന്ന ബാനറും ഗോവയിലെ വിവിധയിടങ്ങളില്‍ കാണാം. അതൊടൊപ്പം നാട്ടുക്കാരും സഞ്ചാരികളും സഹകരിക്കണമെന്ന അഭ്യര്‍ഥനയും. പരസ്യ മദ്യപാനവും പൊതുസ്ഥലത്ത് ഉച്ചത്തില്‍ പാട്ടുവയ്ക്കുന്നതും ഗോവയില്‍ ഇതിന് മുമ്പെ നിരോധിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha