ലോകത്തില്‍ ഏറ്റവും നന്ദിയുള്ള വളര്‍ത്തു മൃഗമാണ് നായ്ക്കള്‍. നായ്ക്കളെ ഇഷ്ടപ്പെടാത്തവരായി ആരുമില്ല. അടുത്തിടെ കര്‍ണ്ണാടകയില്‍ മരിച്ച ഐഎഎസ് ഓഫീസര്‍ ഡി കെ രവിയുടെ മരണത്തില്‍ സങ്കടം താങ്ങാന്‍ വയ്യാതെ നിന്ന വളര്‍ത്തുനായ്ക്കളെ എല്ലാവരും കണ്ടതാണ്. രവിയുടെ ഭാര്യയ്‌ക്കൊപ്പം മൃതദേഹത്തിന് സമീപം പൊട്ടിക്കരയുന്ന നായയുടെ ചിത്രം ഇപ്പോഴും എല്ലാവരുടെയും മനസില്‍ തങ്ങി നില്‍ക്കുന്നു. പലരും ആ ചിത്രം ഇപ്പോഴും ഓര്‍ത്തെടുക്കുന്നു.

നായയുടെ ആ ചിത്രം എല്ലാവരെയും ഇപ്പോഴും നൊമ്പരപ്പെടുത്തുന്നു. അത് പോലൊരു സംഭവമാണ് മെക്‌സിക്കോയിലെ മെരിഡയില്‍ നടന്നത്. തങ്ങള്‍ക്ക് സ്ഥിരമായി ഭക്ഷണം നല്‍കിയിരുന്നു സ്ത്രീയുടെ മൃതദേഹം കാണാന്‍ തെരുവ് നായ്ക്കള്‍ കൂട്ടത്തോടെ എത്തി. മാര്‍ഗരീറ്റ സുവാരസ് എന്ന സ്ത്രീയുടെ മൃതദേഹം കാണാനാണ് നായ്ക്കള്‍ കൂട്ടത്തോടെ എത്തിയത്. മാര്‍ഗരീറ്റ വളരെയധികം മൃഗസ്‌നേഹിയായിരുന്നു. നായ്ക്കള്‍ മാര്‍ഗരീറ്റയ്ക്ക് വളരെയധികം ഇഷ്ടമായിരുന്നു. ഇരുപതോളം തെരുവ് നായ്്ക്കള്‍ക്ക് മാര്‍ഗരീറ്റ ഭക്ഷണം നല്‍കി വരുന്നുണ്ടായിരുന്നു.

പ്രിയപ്പെട്ട അന്നദാതാവിനെ കാണാന്‍ നിരവധി നായ്ക്കളാണ് എത്തിച്ചേര്‍ന്നത്. മാര്‍ഗരീറ്റയുടെ മൃതദേഹം പൊതുദര്‍ശനത്തിന് വച്ചിരിക്കുന്ന ഹാളിലും സമീപ മുറികളിലുമായി നായ്ക്കള്‍ കിടക്കുന്നതിന്റെ ചിത്രങ്ങള്‍ മെക്‌സിക്കന്‍ മാദ്ധ്യമങ്ങള്‍ പുറത്തുവിട്ടിരുന്നു. വിലാപയാത്രയിലും നായ്ക്കള്‍ പിന്തുടര്‍ന്നു. എല്ലാ ദിവസവും രുചിയുള്ള ഭക്ഷണങ്ങളാണ് തെരുവ് നായ്ക്കള്‍ക്കും പൂച്ചകള്‍ക്കും മാര്‍ഗരീറ്റ നല്‍കിയിരുന്നത്. ഗര്‍ഭിണിയായിരുന്ന മാര്‍ഗരിറ്റയുടെ ആരോഗ്യം മോശമായതാണ് മരണത്തിന് കാരണമായതും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha