ബോളിവുഡ് നടി ജാക്വലിന്‍ ഫെര്‍ണാണ്ടസ് കല്യാണ ഫന്‍ഷനുകള്‍ക്കും മാറ്റ് പാര്‍ട്ടികള്‍ക്കും പങ്കെടുക്കാനായി വാങ്ങുന്നത് കോടികള്‍. ഒരു പാര്‍ട്ടിയില്‍ പങ്കെടുത്ത് മൂന്ന് മിനിറ്റുള്ള ഒരു ഡാന്‍സ് കളിക്കാന്‍ നടി പ്രതിഫലമായി 75 ലക്ഷം വാങ്ങിയിരുന്നു. എന്നാല്‍ ലണ്ടനില്‍ നടക്കുന്ന ഒരു കല്യാണത്തില്‍ പങ്കെടുക്കാന്‍ ആണ് താരം നാലു കോടി രൂപയാണ് ചോദിച്ചത്. ഒരു ബിസിനസ്മാന്റെ മകന്റെ ആഡംബര വിവാഹത്തില്‍ പ്രത്യക്ഷപ്പെടുന്നതിനാണ് ഇത്രയും പ്രതിഫലം. വിവാഹം വര്‍ണാഭമാക്കുന്നതിനായി ബിസിനസുകാരന്‍ താരത്തെ സാന്നിദ്ധ്യ ത്തിനായി സമീപിക്കുകയായിരുന്നു.സംഗതി സ്വീകരിച്ച ജാക്വിലിന്‍ കുടുംബത്തിന്റെ അന്തസ്സിന് ഉതകും വിധത്തില്‍ വിവാഹവേദിയില്‍ രണ്ടു ദിനം ചെലവഴിക്കുകയും നൃത്ത പരിപാടികള്‍ അവതരിപ്പിക്കുകയും ചെയ്യാമെന്നേറ്റിട്ടുണ്ട്.
താരത്തിന്റെ യാത്രാ ചെലവുകള്‍ക്ക് പുറമേയാണ് ഈ പ്രതിഫലം. വരുണ്‍ ധവാനൊപ്പമുള്ള സിനിമയുടെ ഷൂട്ടിംഗിലായ താരം വിവാഹത്തില്‍ പങ്കെടുക്കാന്‍ കഴിയുന്ന വിധത്തില്‍ ഡേറ്റ് അറേഞ്ച് ചെയ്തിരിക്കുകയാണെന്നാണ് വിവരം. ബോളിവുഡ് സിനിമയ്ക്ക് പുറകേ ഒരു ശ്രീലങ്കന്‍ ചിത്രവും താരത്തിന്റെ ഷെഡ്യൂളിലുണ്ട്. സല്‍മാന്‍ഖാന്‍ നായകനായ കിക്ക് എന്ന ബോളിവുഡ് സിനിമ കോടികള്‍ വാരിയതോടെയാണ് ചിത്രത്തില്‍ നായികയായ ജാക്വിലിന്‍ തന്റെ പ്രതിഫലവും കുത്തനെ ഉയര്‍ത്തിയത് എന്നാണറിയുന്നത് .

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha