അഫ്ഗാനിസ്ഥാനിൽ ഭൂചലനം. വെള്ളപ്പൊക്കത്തിന് പിന്നാലെയാണ് ഭൂചലനമുണ്ടായത് . റിക്ടർ സ്കെയ്ലിൽ 4.5 തീവ്രത രേഖപ്പെടുത്തി. ശനിയാഴ്ച രാവിലെ ഇന്ത്യൻ സമയം 6.16 നാണ് ചലനം അനുഭവപ്പെട്ടത് . 120 കിലോമീറ്റർ ആഴത്തിലാണ് പ്രഭവ കേന്ദ്രമെന്ന് നാഷണൽ സെന്റർ ഫോർ സീസ്മോളജി അറിയിച്ചു.

അഫ്ഗാനിൽ അടുത്തകാലത്തായി ഭൂചലനങ്ങൾ കൂടുതലായി അനുഭവപ്പെടുന്നുണ്ട്. കഴിഞ്ഞ ഫെബ്രുവരി, മാർച്ച് മാസങ്ങളിലും ഭൂകമ്പങ്ങൾ ഉണ്ടായിരുന്നു. 2023 ഒക്ടോബറിലുണ്ടായ ഭൂകമ്പത്തിൽ അഫ്ഗാനിൽ മാത്രം 4,000 പേർ കൊല്ലപ്പെട്ടിരുന്നു.വടക്കൻ അഫ്ഗാനിസ്ഥാനിലെ ബഗ്‌ലാൻ പ്രവിശ്യയിൽ കനത്തമഴയെ തുടർന്ന് കഴിഞ്ഞ ദിവസമുണ്ടായ വെള്ളപ്പൊക്കത്തിൽ 50 പേർ മരിച്ചിരുന്നു.