ഇങ്ങനെയുള്ളവര് നമുക്ക് വേണം... വാഹന പരിശോധനക്കിടെ കൈക്കൂലി വാങ്ങിയ എസ്ഐയെ യുവ ഐപിഎസുകാരന് പിടികൂടി
സമയത്ത് ഡ്യൂട്ടിക്ക് ഹാജരാകാത്ത പോലീസുകാര്ക്കെതിരെ ധീരമായി നടപടിയെടുത്ത് കൈയ്യടി നേടിയ പോലീസ് ഉദ്യോഗസ്ഥനാണ് ഹരിശങ്കര്. ജനങ്ങളുടെ കൈയ്യടി നേടിക്കൊണ്ട് വീണ്ടും ഹരിശങ്കര് വാര്ത്തകളില്.
കൈക്കൂലി വാങ്ങിയ എസ് ഐയാണ് ഇത്തവണ ഹരിശങ്കര് നേരിട്ട് പിടികൂടിയത്. പനങ്ങാട് എസ് ഐ ശ്രീകുമാറിനെയാണ് ഹരിശങ്കര് കയ്യോടെ പിടികൂടിയത്. ഇന്ന് പുലര്ച്ചെ വാഹന പരിശോധനക്കിടെയാണ് സംഭവം.
പുലര്ച്ചെ മൂന്നുമണിക്ക് പട്രോളിങ്ങിനിറങ്ങിയ ഡിസിപിയുടെ നേതൃത്വത്തിലുള്ള പ്രത്യേക സ്ക്വാഡ് പനങ്ങാട് എസ് ഐ ശ്രീകുമാര് വാഹന പരിശോധനക്കിടെ കൈക്കൂലി വാങ്ങുമ്പോള് പിടികൂടുകയായിരുന്നു. യാത്രക്കാരുടെ വാഹനം തടഞ്ഞു നിര്ത്തി ഭീഷണിപ്പെടുത്തി പണം വാങ്ങുന്നതിനിടെയാണ് എസ് ഐ പിടിയിലായത്.
പരിശോധനയെ തുടര്ന്ന് എസ് ഐയുടെ പോക്കറ്റില് നിന്നും പതിനായിരത്തോളം രൂപയും ഡിസിപിയുടെ നേതൃത്വത്തിലുള്ള സംഘം പിടിച്ചെടുത്തിട്ടുണ്ട്.
വാഹന പരിശോധനയും കൈക്കൂലിയും കേരളത്തിന്റെ ശാപമാണ്. മുമ്പ് ഋഷിരാജ് സിംഗ് ലോറി ഡ്രൈവറുടെ വേഷത്തില് കൈക്കൂലി വാങ്ങിയ പോലീസുകാരെ പൊക്കിയിരുന്നു. സിങ്കത്തിന്റെ ഈ പ്രവൃത്തി ഏറെ കൈയ്യടി നേടിയിരുന്നു. ആ നിലയിലാണ് ഇപ്പോള് യുവ പോലീസ് ഓഫീസര്മാറും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha