ലോകത്ത് നാലില്‍ ഒരാള്‍ക്ക് സ്ട്രോക്ക് വരുന്നതായി പുതിയ പഠനം പുറത്ത്. അതോടൊപ്പം തന്നെ സ്ട്രോക്ക് വന്ന രോഗികളില്‍ മരണനിരക്ക് കൂടുതലാണെന്ന് ഡോക്ടര്‍മാര്‍ വ്യക്തമാക്കുകയുണ്ടായി. എന്നാൽ വളരെ പെട്ടെന്ന് ചികിത്സ നല്‍കിയാല്‍ രോഗിയെ രക്ഷപ്പെടുത്താനാവുമെന്നും അവർ വ്യക്തമാക്കി.'പെട്ടെന്ന് ഒരാള്‍ക്ക് മുഖം ഒരു വശത്തേക്ക് കോടുന്നു...ശരീരത്തിന്‍റെ ഒരു ഭാഗം തളരുന്നു...' ഇങ്ങനെ പറഞ്ഞു കേള്‍ക്കുന്നത് സാധാരണ സംഭവമായി മാറിയിരിക്കുന്നു.

ലോകത്ത് സ്ട്രോക്ക് വന്ന് മരിക്കുന്നവരുടെ എണ്ണം കൂടുതലാണ്. അതേസമയം സ്ട്രോക്ക് വന്നവരില്‍ 60 ശതമാനം പേര്‍ക്ക് വൈകല്യം കാണുന്നു. അത്യാഹിത വിഭാഗത്തിലാണ് സ്ട്രോക്കിനെ ശാസ്ത്രലോകം ഉള്‍പ്പെടുത്തിയിരിക്കുന്നത്. എന്നാൽ തന്നെയും എത്രയും പെട്ടെന്ന് ചികിത്സ നല്‍കിയാല്‍ രോഗിയെ രക്ഷപ്പെടുത്താനാകും. ഒപ്പം കൃത്യമായ ചികിത്സ നല്‍കിയാല്‍ വൈകല്യങ്ങളും കുറയ്ക്കാനാകുമെന്ന് ഡോക്ടര്‍മാര്‍.