ഋഷികേശിലെ എയിംസ് ഹോസ്പിറ്റലില് ചികിത്സയിലായിരുന്ന പ്രമുഖ പരിസ്ഥിതി പ്രവര്ത്തകനും ഗാന്ധിയനുമായ സുന്ദര്ലാല് ബഹുഗുണ കോവിഡ് ബാധിച്ച് മരിച്ചു
പ്രമുഖ പരിസ്ഥിതി പ്രവര്ത്തകനും ഗാന്ധിയനുമായ സുന്ദര്ലാല് ബഹുഗുണ കോവിഡ് ബാധിച്ച് മരിച്ചു. ഋഷികേശിലെ എയിംസ് ഹോസ്പിറ്റലില് ചികിത്സയിലായിരുന്നു. 95 വയസായിരുന്നു.
ഭാരതത്തിലെ ശ്രദ്ധേയനായ പരിസ്ഥിതി പ്രവര്ത്തകനും ചിപ്കോ പ്രസ്ഥാനത്തിന്റെ നേതാവും ഗാന്ധിയന് ചിന്താരീതികളായ അഹിംസ, സത്യാഗ്രഹം എന്നിവയുടെ അനുകര്ത്താവുമാണ് സുന്ദര്ലാല് ബഹുഗുണ.
1970 കളില് ചിപ്കോ പ്രസ്ഥാനത്തിലെ അംഗമെന്ന നിലയിലും പിന്നീട് 1980 മുതല് 2004 ന്റെ അവസാനം വരെ തെഹ്രി അണക്കെട്ട് വിരുദ്ധ പ്രസ്ഥാനത്തിന്റെ മുന്നണിപ്പോരാളി എന്ന നിലയിലും ഹിമാലയ സാനുക്കളിലെ വനസംരക്ഷണത്തിനായി വര്ഷങ്ങളോളം പോരാടി.
ചിപ്കോ പ്രസ്ഥാനത്തിലൂടെ ജനങ്ങളുമായി ചേര്ന്ന് രാജ്യത്തുടനീളം വനനശീകരണം,വലിയ അണക്കെട്ടുകള്, ഖനനം തുടങ്ങിയ നിരവധി പരിസ്ഥിതി പ്രശ്നങ്ങള്ക്കെതിരെ പ്രക്ഷോഭപരിപാടികള് ഏറ്റെടുത്തു മുന്നോട്ട്കൊണ്ടുപോയി 2009 ജനുവരി 26 ന് ഭാരതത്തിലെ ഏറ്റവും വലിയ രണ്ടാമത്തെ ബഹുമതിയായ പത്മ വിഭൂഷണ് പുരസ്കാരം നല്കി ഭാരത സര്ക്കാര് അദ്ദേഹത്തെ ആദരിച്ചു.
https://www.facebook.com/Malayalivartha