ആത്മീയ യാത്രയ്ക്കായി തമിഴ് സൂപ്പര്‍ സ്റ്റാര്‍ രജനികാന്ത് ഹിമാലയത്തില്‍ എത്തി. ഏതാനും ദിവസത്തെ ധ്യാനത്തിനായി ഉത്തരാഖാണ്ഡിലെ മഹാവതാര്‍ ബാബാജി ഗുഹയില്‍ എല്ലാ വര്‍ഷവും രജനികാന്ത് എത്താറുണ്ട്.

ടി.ജെ. ജ്ഞാനവേല്‍ സംവിധാനം ചെയ്യുന്ന വേട്ടയന്‍ സിനിമയുടെ ഷൂട്ടിംഗ് പൂര്‍ത്തിയാക്കി അബുദാബിയില്‍ നിന്ന് തിരിച്ചെത്തിയ ഉടനെയാണ് ചെന്നൈ വിമാനത്താവളം വഴി ഹിമാലയത്തിലേക്ക് പുറപ്പെട്ടത്.

രജനികാന്ത്മടങ്ങി എത്തിയാലുടന്‍ ലോകേഷ് കനകരാജ് സംവിധാനം ചെയ്യുന്ന കൂലി എന്ന ചിത്രത്തിന്റെ ചിത്രീകരണം ആരംഭിക്കും. പുതിയ സിനിമയുടെ ഷൂട്ടിംഗ് ആരംഭിക്കുന്നതിന് മുമ്പായി ഹിമാലയം സന്ദര്‍ശനം രജനികാന്തിന് പതിവായിട്ടുള്ളതാണ്.