തെന്നിന്ത്യന്‍ താരസുന്ദരി കാജല്‍ അഗര്‍വാളും ഭര്‍ത്താവ് ഗൗതം കിച്‌ലുവും തങ്ങളുടെ ആദ്യത്തെ കണ്‍മണിക്കായുള്ള കാത്തിരിപ്പിലാണ്. ഇന്നലെ ദുബായില്‍ നിന്നുള്ള വെക്കേഷന്‍ ചിത്രങ്ങള്‍ താരം പങ്കുവച്ചിരുന്നു. ബേബി ബംബ് കാണിച്ചുകൊണ്ടുള്ള ചിത്രങ്ങള്‍ ആരാധകര്‍ക്കിടയില്‍ വൈറലായിരുന്നു.

ഇതിനു പിന്നാലെ താരത്തിന്റെ ശരീരത്തെ ആക്ഷേപിച്ചുകൊണ്ടുള്ള കമന്റുകളും വന്നു. ഇപ്പോള്‍ ബോഡി ഷെയ്മിങ്ങിനെതിരെ ശക്തമായ സന്ദേശവുമായി എത്തിയിരിക്കുകയാണ് താരം. ചില വൃത്തികെട്ട മനുഷ്യര്‍ ഇതൊന്നും മനസിലാക്കാതെ ഇരിക്കുമ്‌ബോള്‍. ഗര്‍ഭാവസ്ഥയില്‍, ശരീരഭാരം കൂടുന്നതുള്‍പ്പെടെ നമ്മുടെ ശരീരം നിരവധി മാറ്റങ്ങളിലൂടെ കടന്നുപോകുന്നു.

'ജീവിതത്തിലെ മനോഹരമായ ഒരു ഘട്ടത്തിലൂടെയാണ് ഞാനിപ്പോള്‍ കടന്നുപോകുന്നത്. എന്റെ ജീവിതത്തിലും ശരീരത്തിലും വീട്ടിലും അതിനേക്കാളുപരി എന്റെ തൊഴിലിടത്തിലും മാറ്റങ്ങള്‍ വരുന്നു. 'പക്ഷേ ബോഡി ഷെയ്മിംഗ് സന്ദേശങ്ങളും മോശം കമന്റുകളും മീമുകളുമൊന്നും അത്ര നല്ലതല്ല. ജീവിക്കൂ അല്ലെങ്കില്‍ ജീവിക്കാന്‍ അനുവദിക്കൂ. കരുണയോടെ പെരുമാറാന്‍ പഠിക്കണം.

എന്റേതിന് സമാനമായ ജീവിത സാഹചര്യങ്ങളിലൂടെ കടന്നുപോകുന്ന വര്‍ക്കുവേണ്ടിയാണ് ഈ കുറിപ്പ്. എല്ലാവരും ഈ കുറിപ്പ് വായിക്കണം, പ്രത്യേകിച്ച് ചില വൃത്തികെട്ട മനുഷ്യര്‍ ഇതൊന്നും മനസിലാക്കാതെ ഇരിക്കുമ്‌ബോള്‍. ഗര്‍ഭാവസ്ഥയില്‍, ശരീരഭാരം കൂടുന്നതുള്‍പ്പെടെ നമ്മുടെ ശരീരം നിരവധി മാറ്റങ്ങളിലൂടെ കടന്നുപോകുന്നു.

ഹോര്‍മോണുകളില്‍ വ്യതിയാനം സംഭവിക്കും, ഭാരം വര്‍ധിക്കും, കുഞ്ഞ് വളരുന്നതിനോടൊപ്പം നമ്മുടെ വയറും സ്തനങ്ങളും വലുതായിത്തീരുന്നു. കുഞ്ഞിന്റെ സുഖകരമായ വളര്‍ച്ചക്കായി ശരീരം പാകപ്പെടുമ്‌ബോഴാണ് അങ്ങനെ സംഭവിക്കുന്നത്. നമ്മുടെ ശരീരം വലുതാകുന്നിടത്ത് ചിലര്‍ക്ക് സ്‌ട്രെച്ച് മാര്‍ക്കുകള്‍ ഉണ്ടായേക്കാം. ചിലപ്പോള്‍ മുഖക്കുരു വരും, കൂടുതല്‍ ക്ഷീണിതരായിരിക്കുകയും പലപ്പോഴും മാനസികാവസ്ഥ മാറുകയും ചെയ്‌തേക്കാം. ക്ഷീണം തോന്നും, മാനസികാവസ്ഥ മാറിക്കൊണ്ടിരിക്കും. ഈ സമയത്തുണ്ടാകുന്ന നെഗറ്റീവ് ചിന്തകള്‍ അസുഖമുണ്ടാക്കും.

കൂടാതെ, കുഞ്ഞിന് ജന്മം നല്‍കിയ ശേഷം, നമ്മള്‍ പഴയ രൂപത്തിലേക്ക് മടങ്ങാന്‍ കുറച്ച് സമയമെടുത്തേക്കാം, അല്ലെങ്കില്‍ ഗര്‍ഭധാരണത്തിന് മുമ്ബ് നമ്മള്‍ കണ്ടിരുന്ന രീതിയിലേക്ക് ഒരിക്കലും മടങ്ങിവരില്ല. അത് ശരിയാണ്. എന്നാല്‍ അത് സാരമില്ല. ഈ മാറ്റങ്ങള്‍ സ്വാഭാവികമാണ്, നമ്മുടെ ജീവിതത്തിലേക്ക് പുതിയ ഒരാളെകൊണ്ടുവരാനുള്ള കഷ്ടപ്പാടിന്റെ ഭാഗമാണിത്. ഇതെല്ലാം അസാധാരണമാണെന്ന് കരുതേണ്ടതില്ല, സമ്മര്‍ദ്ദത്തിലാകേണ്ടതില്ല, ചട്ടങ്ങളില്‍ ഒതുങ്ങേണ്ടതില്ല. ഇതെല്ലാം ഒരു കുഞ്ഞിന് ജന്മം നല്‍കുന്നതിന്റെ ഭാഗമാണെന്ന് മാത്രം മനസ്സിലാക്കുക' കാജല്‍ കുറിച്ചു.