മലയാള സിനിമയ്ക്ക് തീരാനഷ്ടമാണ് ലളിതച്ചേച്ചിയുടെ മരണം.... തൃപ്പൂണിത്തുറയിലെ വീട്ടിലെത്തി അന്ത്യോപചാരമര്പ്പിച്ച് മോഹന്ലാല്
മലയാള സിനിമയ്ക്ക് തീരാനഷ്ടമാണ് ലളിതച്ചേച്ചിയുടെ മരണമെന്ന് മോഹന്ലാല് പറഞ്ഞു. തൃപ്പൂണിത്തുറയിലെ വീട്ടിലെത്തി അന്ത്യോപചാരമര്പ്പിച്ച ശേഷം സംസാരിക്കുകയായിരുന്നു അദ്ദേഹം.
ഒത്തിരി സിനിമകളില് ഒന്നിച്ച് അഭിനയിച്ചിട്ടുണ്ട്. എന്നാല് അമ്മയും മകനുമായും കുറച്ചു സിനിമകളിലേ അഭിനയിച്ചിട്ടുള്ളു. അസുഖബാധിതയായ ശേഷം ഫോണില് സംസാരിക്കാറുണ്ടായിരുന്നെന്നും മോഹന് ലാല് പറഞ്ഞു.
അതേസമയം പത്താംവയസ്സില് നൃത്തപഠനത്തില്നിന്ന് ചങ്ങനാശ്ശേരി ഗീഥയുടെ 'ബലി'യെന്ന നാടകത്തിലൂടെയാണ് ലളിത കെ.പി.എ.സി.യിലെത്തിയത്. കെ.പി.എ.സിയില് എത്തിയതിന് ശേഷമാണ് മഹേശ്വരി കെ.പി.എ.സി ലളിതയാവുന്നത്. വളരെ ചുരുങ്ങിയ കാലംകൊണ്ടു തന്നെ നാടകവേദികളില് ശ്രദ്ധനേടി കെ.പി.എ.സി ലളിത.
തോപ്പില്ഭാസിയുടെ കൂട്ടുകുടുംബം എന്ന നാടകം 1969-ല് കെ.എസ്. സേതുമാധവന് സിനിമയാക്കിയപ്പോള് അതിലൂടെയായിരുന്നു ലളിത സിനിമയില് അരങ്ങേറ്റം കുറിച്ചത്.
പിന്നീട് നിങ്ങളെന്നെ കമ്മ്യൂണിസ്റ്റാക്കി, ഒതേനന്റെ മകന്, വാഴ്വെ മായം, ത്രിവേണി, അനുഭവങ്ങള് പാളിച്ചകള്, ഒരു സുന്ദരിയുടെ കഥ, സ്വയംവരം തുടങ്ങി സത്യനും പ്രേം നസീറുനുമൊപ്പമെല്ലാം ഒട്ടനവധി ചിത്രങ്ങള് ചെയ്തു.
സഹനായിക വേഷങ്ങളിലായിരുന്നു കെ.പി.എ.സി ലളിത ഏറെയും പ്രത്യക്ഷപ്പെട്ടത്. സുകുമാരിയെപ്പോലെ തന്നെ ഹാസ്യവേഷങ്ങളെ അതിഗംഭീരമായി അവതരിപ്പിക്കാനുള്ള കഴിവാണ് ലളിതയെ ജനപ്രിയനടിയാക്കിയത്.
"
https://www.facebook.com/Malayalivartha
