കനത്ത മഴ തുടരുന്ന സാഹചര്യത്തിൽ മലപ്പുറം ജില്ലയിൽ പ്രൊഫഷണൽ കോളേജുകൾ ഒഴികെയുള്ള വിദ്യഭ്യാസ സ്ഥാപനങ്ങൾക്ക് നാളെ (വ്യാഴം) അവധി ആയിരിക്കുമെന്ന് ജില്ലാ കളക്ടർ അറിയിച്ചു. അതേസമയം ഇതിന് പകരം മറ്റൊരു ദിവസം പ്രവൃത്തി ദിനമായിരിക്കുമെന്നും കളക്ടർ കൂട്ടിച്ചേർത്തു.

ഇടുക്കി ജില്ലയിലും പ്രൊഫഷണൽ കോളേജുകൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും നാളെ (വ്യാഴം) അവധി ആയിരിക്കുമെന്ന് ജില്ലാ കളക്ടർ അറിയിച്ചു.

വയനാട്​ ജില്ലയിലെ പ്രൊഫഷണൽ കോളജുകളും അംഗൻവാടികളും ഉൾ​പ്പെടെയുള്ള മുഴുവൻ വിദ്യാഭ്യാസ സ്​ഥാപനങ്ങൾക്കും നാളെ അവധിയായിരിക്കുമെന്ന്​ ജില്ലാ കലക്​ടർ അറിയിച്ചു. സി.ബി.എസ്. ഇ, ഐ.സി.എസ്. ഇ. സ്കൂളുകൾക്കും അവധി ബാധകമാണ്​.

കോഴിക്കോട് ജില്ലയിലെ പ്രൊഫഷണൽ കോളേജുകൾ ഒഴികെയുള്ള വിദ്യാഭ്യാസ സ്ഥാപനങ്ങൾക്ക് നാളെ (വ്യാഴം) അവധിയായിരിക്കുമെന്ന് ജില്ലാ കളക്ടർ യു.വി. ജോസ് പ്രഖ്യാപിച്ചു. അംഗനവാടികൾക്കും അവധി ബാധകമാണ്.