മരടില്‍ സ്‌കൂള്‍ വാന്‍ അപകടത്തില്‍പ്പെടുത്തിയ ഡ്രൈവറെ അറസ്റ്റ് ചെയ്തു
12 JULY 2018 04:59 AM IST
മലയാളി വാര്‍ത്ത
മരടില്‍ സ്‌കൂള്‍ വാന്‍ അപകടത്തില്‍പ്പെട്ട സംഭവത്തില്‍ ഡ്രൈവര്‍ അറസ്റ്റില്‍. ഡ്രൈവര്‍ അനില്‍ കുമാറിനെയാണ് ട്രാഫിക് പൊലീസ് സ്‌റ്റേഷനില്‍ വിളിച്ചുവരുത്തിയശേഷം അറസ്റ്റ് ചെയ്തത്. മന:പൂര്‍വമല്ലാത്ത നരഹത്യാ കുറ്റമാണ് ഇയാള്‍ക്കെതിരെ ചുമത്തിയിരിക്കുന്നത്. എറണാകുളം മജിസ്‌ട്രേറ്റ് കോടതിയില്‍ ഹാജരാക്കിയ അനില്‍ കുമാറിന് കോടതി ഉപാധികളോടെ ജാമ്യവും അനുവദിച്ചു.
ജൂണ്‍ 11ന് വൈകിട്ട് ആയിരുന്നു മരട് കാട്ടിത്തറ റോഡില്‍ സംഭവം നടക്കുന്നത്. മരട് കാട്ടിത്തറ റോഡിലൂടെ പോകുമ്പോള്‍ സ്‌കൂള്‍ വാന്‍ കുളത്തിലേക്ക് മറിയുകയായിരുന്നു. അപകടത്തില്‍ ആയയും മൂന്നു കുട്ടികളുമാണ് മരിച്ചത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
