കടം നല്കിയ പണം മടക്കി ചോദിച്ചതിന് വീട്ടമ്മയുടെ നഗ്നദൃശ്യങ്ങള് പെണ്മക്കള്ക്ക് അയച്ചു നല്കി യുവാവിന്റെ പ്രതികാരം ; വീട്ടമ്മയുടെ പരാതിയിൽ യുവാവ് പിടിയിൽ
കടം നല്കിയ പണം മടക്കി ചോദിച്ചതിന് വീട്ടമ്മയുടെ നഗ്നദൃശ്യങ്ങള് പെണ്മക്കള്ക്ക് അയച്ചു നല്കി യുവാവിന്റെ പ്രതികാരം. കോട്ടയം കൊടുങ്ങൂരിലാണ് സംഭവം. വീട്ടമ്മയുടെ പരാതിയുടെ അടിസ്ഥാനത്തില് കൊടുങ്ങൂര് തോട്ടരികത്ത് ഷമീറിനെ പൊലീസ് പിടികൂടി.
മേസ്തിരിപ്പണിക്കാരനായ ഷമീറും നെടുംകുന്നം സ്വദേശിയായ 46-കാരിയും ഏറെക്കാലമായി അടുപ്പത്തിലായിരുന്നതായി പൊലീസ് പറയുന്നു. ഇരുവരും ലൈംഗീക ബന്ധത്തില് ഏര്പ്പെടുന്നതിന്റെ ദൃശ്യങ്ങള് ഇയാള് മൊബൈല് ഫോണില് പകര്ത്തി. ഇത്തരത്തില് കഴിഞ്ഞ ഒന്നര വര്ഷമായുള്ള ദൃശ്യങ്ങള്ഇയാളുടെ കൈവശമുണ്ടെന്നാണ് പൊലീസ് പറയുന്നത്.
ഇതിനിടെ കടം നല്കിയ പണത്തെച്ചൊല്ലിയുണ്ടായ തര്ക്കാണ് ഇരുവരും തമ്മിലുള്ള ബന്ധം വഷളാക്കിയത്. കടം നല്കിയ പണം ആവശ്യപ്പെട്ട് ഷമീറുമായി വീട്ടമ്മ വഴക്കുണ്ടാക്കിയിരുന്നു. ഇതില് പ്രകോപിതനായാണ് തന്റെ മൊബൈലില് പകര്ത്തിയ വീട്ടമ്മയുടെ നഗ്ന ദൃശ്യങ്ങള് അവരുടെ പെണ്മക്കള്ക്ക് അയച്ചുകൊടുത്തത്. ഇതേ തുടര്ന്ന് വീട്ടമ്മ പൊലീസിനെ സമീപിച്ചു.
ഡിവൈ.എസ്.പി. സുരേഷ്കുമാര്, എസ്.ഐ.മാരായ എം.കെ.ഷെമിര്, കെ.എസ്.നൗഷാദ്, എ.എസ്.ഐ.മാരായ ജോബ് ജേക്കബ്, റിജു എന്നിവരടങ്ങുന്ന സംഘമാണ് പ്രതിയെ പിടികൂടിയത്.
https://www.facebook.com/Malayalivartha
